Áleýmettik jelide Keńes Odaǵynyń Batyry, dańqty qolbasshy Baýyrjan Momyshulynyń sirek fotosýreti jariialandy. Jazba avtorlarynyń aitýynsha, bul sýret buǵan deiin esh jerde jariialanbaǵan, dep habarlaidy dalanews.kz.
Aq-qara tústi fotoda Baýyrjan Momyshuly bas kiimmen, kameraǵa qyrynan qarap turǵan sátinde beinelengen. Sýretti qolbasshynyń ómiri men murasyna arnalǵan Instagram paraqshasy jariialady. Jazba avtorlary fotosýretti taýyp, jetkizgen Bekjan Bektenbaiǵa alǵys bildirgen.
Ázirge sýrettiń naqty qai jyly, qai jerde jáne qandai jaǵdaida túsirilgeni belgisiz. Sondai-aq fotosýrettiń túpnusqalyǵy men onyń tarihy týraly qosymsha aqparat berilmegen.
Aita keteiik, Baýyrjan Momyshuly 1910 jyly dúniege kelgen. Ekinshi dúniejúzilik soǵys kezinde ol Ivan Panfilov basqarǵan 316-atqyshtar diviziiasy quramynda Máskeý qalasyn qorǵaý shaiqasyna qatysqan. Soǵystan keiin qolbasshy jazýshylyqpen de ainalysty. Onyń «Ushqan uia», «Artymyzda Moskva» siiaqty shyǵarmalary oqyrmanǵa keńinen tanymal.
Baýyrjan Momyshulyna Keńes Odaǵynyń Batyry ataǵy 1990 jyly, qaitys bolǵannan keiin berildi.
