Aýyl sharýashylyǵy ministri Aidarbek Saparov Sergei Kýlaginniń ieligindegi jerlerge qatysty suraqqa jaýap berdi, dep habarlaidy Dalanews.kz.
Ministr Saparov ekeýine qansha gektar jer tiesili ekenin naqty aita almady.
"Jalpy jospar boiynsha jumys júrgizip jatyrmyz, komissiia qurylǵan. Ol kisilerde naqtyy qansha gektar jer bar ekenine jaýap berýge daiyn emespin. Qaǵaz júzinde qansha ekenin keiin jibereiin. Biraq jer igerilmei jatsa, ony qaitarý boiynsha jumys júrgizip jatyrmyz. Tapsyrma berilgen, jumys istep jatyrmyz. “Ananyń jeri, mynanyń jeri” demeimiz. Jumys istemese jerdi bosatýy kerek, basqa adamǵa berýi kerek", deidi ministr.
Eske salaiyq, buǵan deiin Aqmola oblysynda burynǵy joǵary laýazymdy sheneýnik Sergei Kýlaginniń ieligindegi jer ýchaskesine qatysty sot daýy bastalǵan bolatyn. Oblystyq jer resýrstaryn basqarý departamenti men QR Prezidenti Is basqarmasyna qarasty "Býrabai" memlekettik ulttyq tabiǵi parki sotqa aryz túsirip, jer ýchaskesine qatysty sharttardy jaramsyz dep tanýdy talap etip otyr.
Talap aryz "Askop" jáne "Integratsiia-Tselina" jaýapkershiligi shekteýli seriktestikterine, sondai-aq, Býrabai aýdany jer qatynastary bólimine qarsy berilgen.
Iske qatysty mamandandyrylǵan aýdanaralyq ekonomikalyq sot jer ýchaskesiniń kadastrlyq derekterin tolyq zertteýge kiristi. Osy maqsatta "Azamattarǵa arnalǵan úkimet" memlekettik korporatsiiasynan Shýchinsk qalasyndaǵy "Svetlyi" shipajaiy ornalasqan jerdiń naqty iesi týraly aqparat talap etilgen.
Sot, sondai-aq, memlekettik korporatsiia qyzmetkerlerine daýly ýchaskege baryp, "Askop" seriktestiginiń jeri Prezident Is basqarmasyna qarasty "Býrabai" ulttyq tabiǵi parki jerine qabattasyp jatqan-jatpaǵanyn anyqtaýdy tapsyrdy. Tekseris nátijesi boiynsha sotqa resmi jazbasha qorytyndy usynylýǵa tiis.
