Almatydaǵy Medeý aýdandyq soty eks-genprokýror Qairat Kojamjarovtyń týǵan baýyry Dýlat Qojamjarovtyń múlkine tyiym salý týraly sheshim shyǵardy, dep habarlaidy Dalanews.kz agenttigi BesMedia basylymyna silteme jasap.
Atalǵan sheshim "Halyq banki" JShS-niń talap-aryzy negizinde qabyldandy.
Aryz boiynsha is qozǵalatyn kompaniialar:
• "Oil Snab" JShS,
• "Hill Resources" JShS,
• "Hill Invest" JShS,
• "AvtoTechMas Ltd" JShS,sonymen qatar Dýlat Qojamjarov jáne Gúlnaz Qojamjarovaǵa qatysty is.
Sot qujatynda bastapqy sheshimde múliktiń sipattamasynda jáne talap aryz somasynda qate ketkeni kórsetilgen. Sot ony túzetip, múlikti tárkileý kólemin naqtylady: 2,55 mlrd teńge jáne tólengen memlekettik baj 76,5 mln teńge, barlyǵy 2,63 mlrd teńge. Bul soma jaýapkerlerdiń barlyq qozǵalatyn jáne qozǵalmaityn múlkine qatysty qozǵalǵan.
Aita keteiik, Dýlat Kojamjarov eks-genprokýror Qairat Kojamjarovtyń baýyry jáne burynǵy qarjy politsiiasy bastyǵy. Qairat Kojamjarov laýazymdyq ókilettilikti asyra paidalandy jáne zańsyz alynǵan qarajatty zańdastyrdy degen kúdikke ilingen.
Forbes jýrnalynyń dereginshe, Dýlat Kojamjarov byltyr Qazaqstannyń eń bai kásipkerler reitinginde atalǵan. Ol Shymkenttegi óndiristik keshenimen birge Hill Corporation kompaniiasyna, iaǵni mailaý materialdarynyń iri óndirýshisine ielik etedi.
2024 jylǵy naýryzda Dýlat Kojamjarov zańsyz aktivterdi qaitarý tizimine engizilgeni belgili boldy. 2023 jylǵy 31 jeltoqsan men 2024 jylǵy 30 qyrkúiekke deiin Hill Corporation kompaniiasynda «Halyq banki» AAQ-pen 2026 jylǵa deiingi eki kredittik kelisim bolǵan.
Kelisimder boiynsha kompaniia ainalym kapitalyn tolyqtyrý úshin jyldyq 6–13% syiaqy mólsherlemesimen nesie alady. Hill Corporation 2015 jyldan beri óńdeý ónerkásibindegi kásipkerlerdi qarjylandyrý baǵdarlamalaryna, sonyń ishinde Qazaqstan Damý Banki arqyly Halyq banki arqyly qatysyp keledi.
