Teńdesi joq operatsiia zaly
Taldap, tarqatyp aitar bolsaq, birneshe jyl buryn ǵana jurttyń paidalanýyna berilgen Semei qalasyndaǵy jedel meditsinalyq járdem aýrýhanasynda ashylǵan gibridti operatsiia zaly aldymen aýyzǵa iligetini anyq. Onyń ózindik syry bar. Atalmysh zal klassikalyq ota jasaityn bólmeden anaǵurlym úlken, ári múmkindigi de zor.
Aitalyq, kóp júieli blokta jańa meditsinalyq tehnologiialar men qural-jabdyqtar, ashyq jáne shaǵyn invazivti laparoskopiialyq magnitti-rezonansty tomografiia, hirýrgiialyq rentgen júieleri, ÝDZ salasy, beinebaqylaý júiesi arqyly kúrdeli otany sapaly jasaýǵa múmkindik beredi.
Dáriger biliktiligin kóterý mańyzdy mindet
Shyǵys Qazaqstan oblysyndaǵy dárigelerdiń meditsinasy damyǵan elderge baryp, mol tájiribe alamasyp, biliktiligin kóterý isi de jolǵa qoiylǵanyn aita ketýimiz kerek.
Biyl jyl basynda ShQO ákimi Danial Ahmetov halyqpen esepti kezdesýinde oblystaǵy meditsinalyq mekemelerdi halyqaralyq «Altyn standart» – Joint Commission International sáikestigine akkreditatsiialaý júrgizilgenin tilge tiek etken bolatyn.
Qazirgi tańda óńirde jańa robotty hirýrgiia jáne transplantologiia, politravma, ortopediia ortalyqtary, gibridti operatsiialyq zal, úshinshi deńgeili insýlt ortalyǵy, Altai men Aiagóz qalalaryndaǵy ekinshi deńgeili insýlt ortalyqtary tabysty jumys isteýde. Dárigerlerdi oqytýdyń úshdeńgeili baǵdarlamasyn júzege asyrý jalǵasyp keledi.
Aýrý-syrqaý azaiyp keledi
Shyǵys Qazaqstan oblysyndaǵy osyndai keshendi jumystardyń arqasynda sońǵy bes jyl ishinde turǵyndardyń meditsinalyq qyzmettiń sapasyna qanaǵattaný deńgeii 39,5-ten 51,3 paiyzǵa deiin artty. Al qaterli isiktiń paida bolýyn erte bastan anyqtaý 6-dan 24 paiyzǵa deiin artty.
Budan bólek, Ulttyq kardiologiia ǵylymi ortalyǵy oblystyq aýrýhanmen, Travmatologiia institýty men Ulttyq neirohirýrgiia ǵylymi ortalyǵy Semei qalasyndaǵy Jedel meditsinalyq járdem aýrýhanasymen, A.N.Syzǵanov atyndaǵy Ulttyq hirýrgiia ǵylymi ortalyǵy oblystyq mamandandyrylǵan meditsinalyq ortalyqpen, Ulttyq akýsherlik jáne ginekologiia ǵylymi ortalyǵy Ana men bala ortalyǵymen, Qazaq onkologiia jáne radiologiia ǵylymi-zertteý institýty Óskemen qalasyndaǵy onkologiia jáne hirýrgiia ortalyǵymen ózara áriptestik jóninde memorandýmdar bekitti.
Nurlan ÁÝBÁKIR
