Ótken jyly atalǵan tuqym ósirilgen kartop alqabynyń ár gektarynan 200-300 tsentnerden sapaly ónim alyndy. Osylaisha jer emgen sharýalar karatop ósirýge basa kóńil bóle bastady.
Raiymbek aýdany ákimi Nurjan Qudaibergenov bastaǵan aýdandaǵy fermerleri, kooperativ basshylary, qojalyq tóraǵalary bereri mol kartop tuqymy ósirilgen alqaptyń kólemin artyryp keledi. Biyl aýdan boiynsha 6050 gektar jerge kartop egilse, sonyń ishinde 3000 gektary sýper-elitalyq «Santa», «Agriia» tuqymdary otyrǵyzylǵan.
Aýdanda 3 servistik-daiyndaý ortalyqtary, kartop ósirý baǵytyndaǵy birneshe óndiristik kooperativter jumys isteidi. Almaty oblys ákiminiń qoldaýymen servistik ortalyqtar 21 jańa traktorǵa, 72 agregatqa ie boldy.
Kartop ósirýde jeri sýly, nýly Qaqpaq aýyldyq okrýginiń úlesi joǵary. Aýyl ákimi Jumash Álimǵojaev bastaǵan óńir eńbekkerleri biyl 750 gektar jerge kartop otyrǵyzǵanyn aitty. Okrýgtegi Ǵani Sydyqaqynov, Nurlan Qudiiarbekov, Nurbol Anarqulov basqaratyn sharýa qojalyqtary, Baqyt Qýan basqaratyn «Úsh Qaqpaq» óndiristik kooperativi kartoptyń kólemin arttyryp, sortty tuqymmen jumys jasaýda. Osylaisha Raiymbek aýdanynyń sharýalary kartoptyń sapaly tuuymyn ósirip, mol ónim alýǵa beldi bekem býyp otyr.
