Aǵymdaǵy jylǵy 13 mamyrdaǵy jaǵdai boiynsha halyqpen bailanystyń barlyq arnalary arqyly ministrlik azamattardan «42 500 teńge» taǵaiyndaýǵa jáne tóleýge qatysty 696,4 myń ótinish kelip tústi.
Osylaisha, 42500@enbek.kz elektrondyq adresine 571,1 myń ótinish túsken. Onyń ishinde Eńbek resýrstaryn damytý ortalyǵynyń qyzmetkerleri 241,6 myń ótinishke jaýap berdi.
Al 42500@gfss.kz elektrondyq adresine 108 myń ótinish túsip, oǵan Memlekettik áleýmettik saqtandyrý qorynyń qyzmetkerleri 76,4 myń ótinishke jaýap bergeni málim boldy.
Basqa bailanys arnalary arqyly MÁSQ-qa 7,1 myń ótinish kelip tústi, onyń ishinde 6,3 myńyna jaýaptar berildi.
Eńbek jáne halyqty áleýmettik qorǵaý ministrliginiń blogyna, Facebook jáne Instagram-daǵy resmi akkaýnttaryna 10,1 myń ótinish kelip tústi, onyń 7,1 myńyna jaýap berildi.
Sonymen qatar, ministrlik qyzmetkerleri koronavirýs boiynsha ótinishterdi qabyldaý ortalyǵyna kelip túsken 6,6 myń ótinishti de jaýapsyz qaldyrmai, halyq saýalyna ún qatypty.
Sondai-aq, «Azamattarǵa arnalǵan úkimet» memlekettik korporatsiiasy» KEAQ-nyń «1411» áleýmettik-eńbek salasy máseleleri jónindegi bailanys ortalyǵynda 1-13 mamyr aralyǵynda «42 500 teńge» tóleý máseleleri boiynsha azamattardyń 58,1 myń ótinishine túsinikteme berildi. Qazirge tańda osy baǵyttaǵy jumystar jalǵasýda.
