اعىمداعى جىلعى 13 مامىرداعى جاعداي بويىنشا حالىقپەن بايلانىستىڭ بارلىق ارنالارى ارقىلى مينيسترلىك ازاماتتاردان «42 500 تەڭگە» تاعايىنداۋعا جانە تولەۋگە قاتىستى 696،4 مىڭ ءوتىنىش كەلىپ ءتۇستى.
وسىلايشا، 42500@enbek.kz ەلەكتروندىق ادرەسىنە 571،1 مىڭ ءوتىنىش تۇسكەن. ونىڭ ىشىندە ەڭبەك رەسۋرستارىن دامىتۋ ورتالىعىنىڭ قىزمەتكەرلەرى 241،6 مىڭ وتىنىشكە جاۋاپ بەردى.
ال 42500@gfss.kz ەلەكتروندىق ادرەسىنە 108 مىڭ ءوتىنىش ءتۇسىپ، وعان مەملەكەتتىك الەۋمەتتىك ساقتاندىرۋ قورىنىڭ قىزمەتكەرلەرى 76،4 مىڭ وتىنىشكە جاۋاپ بەرگەنى ءمالىم بولدى.
باسقا بايلانىس ارنالارى ارقىلى ءماسق-قا 7،1 مىڭ ءوتىنىش كەلىپ ءتۇستى، ونىڭ ىشىندە 6،3 مىڭىنا جاۋاپتار بەرىلدى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ بلوگىنا، Facebook جانە Instagram-داعى رەسمي اككاۋنتتارىنا 10،1 مىڭ ءوتىنىش كەلىپ ءتۇستى، ونىڭ 7،1 مىڭىنا جاۋاپ بەرىلدى.
سونىمەن قاتار، مينيسترلىك قىزمەتكەرلەرى كوروناۆيرۋس بويىنشا وتىنىشتەردى قابىلداۋ ورتالىعىنا كەلىپ تۇسكەن 6،6 مىڭ ءوتىنىشتى دە جاۋاپسىز قالدىرماي، حالىق ساۋالىنا ءۇن قاتىپتى.
سونداي-اق، «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-نىڭ «1411» الەۋمەتتىك-ەڭبەك سالاسى ماسەلەلەرى جونىندەگى بايلانىس ورتالىعىندا 1-13 مامىر ارالىعىندا «42 500 تەڭگە» تولەۋ ماسەلەلەرى بويىنشا ازاماتتاردىڭ 58،1 مىڭ وتىنىشىنە تۇسىنىكتەمە بەرىلدى. قازىرگە تاڭدا وسى باعىتتاعى جۇمىستار جالعاسۋدا.
