ShQO-da soia men júgeriniń egis alqabyn artqan
– 2019 jyly júgeri alqaby 6,9 myń gektardy qurasa, osy jyly 8,9 myń gektarǵa jetti. Negizgi aýdandardy atap kórsetsek, Úrjarda – 4 myń gektar, Shemonaihada – 1,8 myń gektar, Borodýlihada – 1,4 myń gektar jáne Glýbokoe aýdanynda – 1,3 myń gektar. Iaǵni, biyl ótken jylmen salystyrǵanda 3 myń gektar ósim bar. Al soia 6,2 myń gektarǵa egildi. Jalpy óńirimizde soia men júgeriniń egis alqabyn arttyrýǵa baǵyttalǵan aimaqtyq baǵdarlama qurylǵan. Jospar boiynsha aldaǵy 2 jyldyń ishinde dándik júgeriniń alqaby 15-18 myń gektarǵa deiin arttyrylmaq. 2025 jylǵa deiin soia alqaby 30 myń gektarǵa jetedi dep kózdelip otyr, – dedi ol.
Vladimir Gailamaziannyń aitýynsha, aimaqtyq baǵdarlamanyń negizgi maqsaty – maldy joǵary sapaly jem-shóppen qamtamasyz etý jáne ósimdik sharýashylyǵy ónimderin eksportqa shyǵarý.
«Mysaly kórshi Qytai eli jyl saiyn 98 mln tonna soiany, 12-15 mln tonna júgerini importtaidy. Bul biz úshin úlken naryq. Sondyqtan soia men júgeri ósirýdiń qyr-syryn túsindirý maqsatynda qalalar men aýdandardaǵy ákimdik qyzmetkerlerine jáne óńirdiń aýyl sharýashylyq taýar óndirýshilerine arnalǵan seminar-treningter ótkizilýde. Qatysýshylardyń ótinishi boiynsha osyndai sharalar biyl da josparlanǵan» deidi ShQO Aýyl sharýashylyǵy basqarmasy basshysynyń mindetin atqarýshy.
