Danial Ahmetov: «Praimeriz elimizdiń saiasi júiesine serpin beredi»
– 17 tamyzda elimizde alǵash ret «Nur Otan» partiiasynyń praimerizi bastaldy. Partiia Tóraǵasy, Elbasy Nursultan Nazarbaev qabyldaǵan bul tarihi mańyzdy sheshim otandyq saiasi júieniń damýyna jańa serpin beredi. Qazaqstannyń partiialyq-saiasi júiesiniń damý tarihynda alǵash ret praimeriz jalpyrespýblikalyq aýqymda ótedi. Basty maqsat – básekelestik kúres negizinde barlyq deńgeidegi máslihattarda jáne QR Parlamenti Májilisinde tiimdi depýtattyq korpýs qalyptastyrý úshin myqty kóshbasshylardy anyqtaý, – dep jazdy Danial Ahmetov Facebook jelisindegi jeke paraqshasynda.
Onyń aitýynsha, praimeriz arqyly básekeli jáne ashyq negizde partiialyq tizimder qalyptasatyn bolady. Barlyq qalalar men aýdandardyń partiia músheleri qoǵamdyq senim men qoldaýdyń joǵary deńgeiine ie eń bedeldi partiia kóshbasshylaryn derbes anyqtaidy.
«Nur Otan» – bul ózgeristerdiń negizi bola alatyn jalǵyz saiasi partiia. Partiia – jańa kezeńge orai únemi jańaryp otyratyn kásibi basqarýshylar toby. Qurmetti jerlester, men sizderdi «Nur Otan» partiiasynyń praimerizine belsendi qatysýǵa shaqyramyn!» dedi oblys ákimi óz jazbasynda. ⠀
