– 17 تامىزدا ەلىمىزدە العاش رەت «Nur Otan» پارتياسىنىڭ پرايمەريزى باستالدى. پارتيا ءتوراعاسى، ەلباسى نۇرسۇلتان نازاربايەۆ قابىلداعان بۇل تاريحي ماڭىزدى شەشىم وتاندىق ساياسي جۇيەنىڭ دامۋىنا جاڭا سەرپىن بەرەدى. قازاقستاننىڭ پارتيالىق-ساياسي جۇيەسىنىڭ دامۋ تاريحىندا العاش رەت پرايمەريز جالپىرەسپۋبليكالىق اۋقىمدا وتەدى. باستى ماقسات – باسەكەلەستىك كۇرەس نەگىزىندە بارلىق دەڭگەيدەگى ءماسليحاتتاردا جانە ق ر پارلامەنتى ماجىلىسىندە ءتيىمدى دەپۋتاتتىق كورپۋس قالىپتاستىرۋ ءۇشىن مىقتى كوشباسشىلاردى انىقتاۋ، – دەپ جازدى دانيال احمەتوۆ Facebook جەلىسىندەگى جەكە پاراقشاسىندا.
ونىڭ ايتۋىنشا، پرايمەريز ارقىلى باسەكەلى جانە اشىق نەگىزدە پارتيالىق تىزىمدەر قالىپتاساتىن بولادى. بارلىق قالالار مەن اۋدانداردىڭ پارتيا مۇشەلەرى قوعامدىق سەنىم مەن قولداۋدىڭ جوعارى دەڭگەيىنە يە ەڭ بەدەلدى پارتيا كوشباسشىلارىن دەربەس انىقتايدى.
«Nur Otan» – بۇل وزگەرىستەردىڭ نەگىزى بولا الاتىن جالعىز ساياسي پارتيا. پارتيا – جاڭا كەزەڭگە وراي ۇنەمى جاڭارىپ وتىراتىن كاسىبي باسقارۋشىلار توبى. قۇرمەتتى جەرلەستەر، مەن سىزدەردى «Nur Otan» پارتياسىنىڭ پرايمەريزىنە بەلسەندى قاتىسۋعا شاقىرامىن!» دەدى وبلىس اكىمى ءوز جازباسىندا. ⠀
