Ridder ákimi Dmitrii Gorkovoidyń aitýynsha, tórtinshi jáne besinshi qazandyqtarǵa arnalǵan qalpyna keltirý jumystarynyń tizimi jasaldy, jóndeýge qajetti jabdyqtar keldi. Bir aptadan keiin tórtinshi qazandyq iske qosylady, besinshisine biraz ýaqyt qajet.
Ridder qalasynyń turǵyndaryn alańdatatyn taǵy bir másele – qaita esepteý quny. Tabiǵi monopoliialardy retteý komitetiniń departamenti bul talaptardyń zańdy ekenin túsindirdi.
– Qazir PIK jáne kondominiým ókilderi jylý energiiasynyń jetkiliksiz jetkizilý qunyn tirkeýde, keiin bul aqparat jylýmen jabdyqtaýshy kompaniiaǵa jiberiledi, – dedi óz sózinde Dmitrii Gorkovoi.
Árine, Ridder turǵyndarynyń basym bóligi Ortalyqty kommýnaldyq menshikke qaitarý máselesine alańdaidy. Bul týraly olar petitsiia jazyp, Shyǵys Qazaqstan oblysynyń ákimi Danial Ahmetovke júgindi. Óitkeni ridderlik turǵyndarda mundai jaǵdai qystyń qaqaǵan mezgilinde bolýy múmkin degen úlken alańdaýshylyq bar.
