Tarazda "Jasyl el – Taraz" uiymynyń 40 qyzmetkeri jumysqa shyǵýdan bas tartyp, narazylyq bildirdi, dep habarlaidy Dalanews.kz.
Qala ákimdiginiń málimetinshe, jol tazalyǵyna jaýapty ýchaske meńgerýshisi A.Arystanova qyzmet babyndaǵy zańbuzýshylyq úshin tekserilip jatyr. Al áriptesteri bul sheshimmen kelispei, ony qyzmetten bosatpaýyn talap etken.
Narazy jumysshylarmen ákim orynbasary Nursultan Isabekov pen uiym basshysy Ǵalymjan Qainazarov kezdesip, sheshim tekseris aiaqtalǵan soń qabyldanatynyn aitqan.
Ákimdik málimdeýinshe, "Jasyl el – Taraz" buryn da jumys sapasyna bailanysty eskertý alǵan. Biyl jańa basshylyq kelgen soń qarjy qujattarynan zańsyzdyqtar anyqtalyp, is quqyq qorǵaý organdaryna berilgen.
