“Qaırat” - “Pafos” fýtbol machyna tegin kirýge bolady, dep habarlaıdy Dalanews.kz.
Biraq onyń bir sharty bar. Machty tegin kórýshiler arnaıy dress kodpen kelýi kerek: ıaǵnı qara kıim men "Qaırat" sharfy.
«Qaırat» búgin Chempıondar lıgasynda ekinshi oıynyn ótkizedi.
21 qazan, seısenbi kúni qazaqstandyq «Qaırat» fýtbol klýby ÝEFA Chempıondar lıgasynyń toptyq kezeńindegi ekinshi úı machyna shyǵady.
Kezdesý Almatydaǵy Ortalyq stadıonda ótedi. Úshinshi týrdyń machy qazaqstan ýaqytymen 21:45-te bastalady.
Oıynnyń resmı tikeleı efırin respýblıkalyq «Qazaqstan» telearnasy, sondaı-aq «Kınopoısk» onlaın-kınoteatry (saıt jáne mobıldi qosymsha arqyly) júrgizedi.
Almatylyqtar Chempıondar lıgasynyń negizgi kezeńine Qazaqstan Premer-lıgasynda jeńimpaz atanýynyń arqasynda joldama alǵan bolatyn. Ótken jyly «Qaırat» el chempıony atanyp, bul ataqty tórtinshi ret ıelendi.
