“قايرات” - “پافوس” فۋتبول ماچىنا تەگىن كىرۋگە بولادى، دەپ حابارلايدى Dalanews.kz.
ءبىراق ونىڭ ءبىر شارتى بار. ماچتى تەگىن كورۋشىلەر ارنايى درەسس كودپەن كەلۋى كەرەك: ياعني قارا كيىم مەن "قايرات" شارفى.
«قايرات» بۇگىن چەمپيوندار ليگاسىندا ەكىنشى ويىنىن وتكىزەدى.
21 قازان، سەيسەنبى كۇنى قازاقستاندىق «قايرات» فۋتبول كلۋبى ۋەفا چەمپيوندار ليگاسىنىڭ توپتىق كەزەڭىندەگى ەكىنشى ءۇي ماچىنا شىعادى.
كەزدەسۋ الماتىداعى ورتالىق ستاديوندا وتەدى. ءۇشىنشى تۋردىڭ ماچى قازاقستان ۋاقىتىمەن 21:45-تە باستالادى.
ويىننىڭ رەسمي تىكەلەي ەفيرىن رەسپۋبليكالىق «Qazaqstan» تەلەارناسى، سونداي-اق «كينوپويسك» ونلاين-كينوتەاترى (سايت جانە ءموبيلدى قوسىمشا ارقىلى) جۇرگىزەدى.
الماتىلىقتار چەمپيوندار ليگاسىنىڭ نەگىزگى كەزەڭىنە قازاقستان پرەمەر-ليگاسىندا جەڭىمپاز اتانۋىنىڭ ارقاسىندا جولداما العان بولاتىن. وتكەن جىلى «قايرات» ەل چەمپيونى اتانىپ، بۇل اتاقتى ءتورتىنشى رەت يەلەندى.
