2025 jylǵy 21 qazanda Japoniia Premer-ministri Sigerý Isiba men onyń kabineti jańa úkimet basshysyn sailaý qarsańynda otstavkaǵa ketti dep habarlaidy Dalanews.kz.NHK agenttigine silteme jasap.
21 qazan kúni Japoniia parlamentiniń tómengi palatasynda jańa premer- ministrdi sailaý ótedi. Daýys berý qarsańynda Japoniianyń Liberal-demokratiialyq partiiasy «Japoniiany jańartý qoǵamy» partiiasymen koalitsiia qurý týraly kelisimge keldi. Bul alians qazirgi jetekshisi Sanae Takaitidiń kandidatýrasyn qoldaý úshin qajet kópshilikti qamtamasyz etti.
Eger ol sailansa, Takaiti el tarihyndaǵy alǵashqy áiel premer- ministr bolmaq.
64 jastaǵy Sanae Takaiti 2025 jyly partiianyń eń tájiribeli saiasatkerleriniń biri retinde partiia jetekshisi bolyp sailandy. Ol patsifistik Konstitýtsiiany qaita qaraýdy jáne armiiany kúsheitýdi qoldaidy.
Takaiti alǵashqy ministrlik qyzmetin 2006 jyly aldy. Ol birden birneshe laýazymǵa taǵaiyndaldy: ǵylym jáne tehnologiialar saiasaty jónindegi ministr, innovatsiialar ministri, jastar isteri jáne genderlik teńdik jónindegi ministr, azyq- túlik qaýipsizdigi ministr, sondai- aq Okinava jáne Soltústik territoriialar isteri jónindegi ministr.
