Memleket basshysy Ázerbaijan Prezidentimen kelissóz júrgizdi, dep habarlaidy Dalanews.kz.
"Sizdi memlekettik saparyńyz aiasynda Qazaqstanda qarsy alý – men úshin úlken mártebe. Bul – elderimizdiń arasyndaǵy strategiialyq seriktestik pen odaqtastyq qatynastardy odan ári damytý turǵysynan óte mańyzdy oqiǵa. Qazaqstan men Ázerbaijan tek dostas elder emes, sondai-aq baýyrlas halyqtar. Sondyqtan Sizdiń elińizben san qyrly yntymaqtastyqty órkendetýge basa mán beremiz. Qazirgi kezde Ázerbaijan Sizdiń qýatty kóshbasshylyǵyńyzben halyqaralyq arenadaǵy abyroi-bedelin eleýli túrde arttyrdy, óz óńirinde yqpaldy memleket retinde óte mańyzdy ról atqarady. Biz úshin Ázerbaijanmen saýda-ekonomikalyq yntymaqtastyqty jáne saiasi seriktestikti nyǵaitý – asa ózekti mindet", – dedi Memleket basshysy.
"Búginde Qazaqstan damýdyń joǵary deńgeiin kórsetip otyr. Elińizdegi qoǵamdyq-saiasi jaǵdai turaqty, ekonomikalyq damý qalypty. Siz júrgizip jatqan reformalardy zor qyzyǵýshylyqpen baqylap otyrmyz. Elińizdi jańǵyrtý men áleýetin arttyrý jolyndaǵy baǵdaryńyzdy tolyq qoldaimyz. Ekijaqty qarym-qatynastyń strategiialyq, odaqtastyq sipat alǵanyn atap óttińiz. Biz barlyq baǵyttaǵy yqpaldastyqty nyǵaitýǵa niettimiz. Búgingi kelissóz, sondai-aq Joǵary memleketaralyq keńes otyrysy barysynda aýqymdy kún tártibin taǵy da pysyqtap, ózara seriktestiktiń aldaǵy qadamdaryn aiqyndaimyz", – dedi Ázerbaijan Prezidenti.
Memleketter basshylary saýda-ekonomika, investitsiia, aýyl sharýashylyǵy jáne kólik-tranzit salalaryndaǵy yntymaqtastyqty nyǵaitý máselesin jan-jaqty talqylady.
Sondai-aq, mádeni-gýmanitarlyq yqpaldastyqqa nazar aýdardy. Taraptar aimaqtyq jáne halyqaralyq kún tártibindegi ózekti máseleler jóninde pikir almasty.
