Orynbor gaz óńdeý zaýytyna jasalǵan dron shabýylynan keiin toqtap qalǵan óndiris úsh kún ishinde Qarashyǵanaq ken ornynan shiki gaz qabyldaýdy qaita bastaidy, dep málimdedi energetika ministri Erlan Aqkenjenov Aqordadaǵy jýrnalisterge bergen suhbatynda, dep habarlaidy Dalanews.kz.
«Qazirgi ýaqytta suiyq kómirsýtekter boiynsha táýligine 8,5–9 myń tonna kóleminde shekteý bar. Biz bul shekteýlerdiń jaqyn ýaqytta, shamamen úsh kún ishinde alynatynyna úmittimiz», – dedi ministr.
Aqkenjenovtiń aitýynsha, zaýyttyń ýaqytsha toqtaýy Qazaqstan ekonomikasyna áser etpei qoimaidy, óitkeni bul eksport kóleminiń azaiýyna ákeledi.
«Iá, ekonomikalyq turǵyda belgili bir áseri bolady. Eksport boiynsha jetkizilim azaiady. Degenmen qazirgi tańda eldiń gazdy qaita óńdeý boiynsha balama múmkindigi joq», – dep moiyndady ministr.
Sonymen qatar ol bul jaǵdaidyń ishki naryqtaǵy gazben qamtamasyz etýge esh áser etpeitinin atap ótti.
