ورىنبور گاز ٶڭدەۋ زاۋىتىنا جاسالعان درون شابۋىلىنان كەيٸن توقتاپ قالعان ٶندٸرٸس ٷش كٷن ٸشٸندە قاراشىعاناق كەن ورنىنان شيكٸ گاز قابىلداۋدى قايتا باستايدى, دەپ مەلٸمدەدٸ ەنەرگەتيكا مينيسترٸ ەرلان اقكەنجەنوۆ اقورداداعى جۋرناليستەرگە بەرگەن سۇحباتىندا, دەپ حابارلايدى Dalanews.kz.
«قازٸرگٸ ۋاقىتتا سۇيىق كٶمٸرسۋتەكتەر بويىنشا تەۋلٸگٸنە 8,5–9 مىڭ توننا كٶلەمٸندە شەكتەۋ بار. بٸز بۇل شەكتەۋلەردٸڭ جاقىن ۋاقىتتا, شامامەن ٷش كٷن ٸشٸندە الىناتىنىنا ٷمٸتتٸمٸز», – دەدٸ مينيستر.
اقكەنجەنوۆتٸڭ ايتۋىنشا, زاۋىتتىڭ ۋاقىتشا توقتاۋى قازاقستان ەكونوميكاسىنا ەسەر ەتپەي قويمايدى, ٶيتكەنٸ بۇل ەكسپورت كٶلەمٸنٸڭ ازايۋىنا ەكەلەدٸ.
«يە, ەكونوميكالىق تۇرعىدا بەلگٸلٸ بٸر ەسەرٸ بولادى. ەكسپورت بويىنشا جەتكٸزٸلٸم ازايادى. دەگەنمەن قازٸرگٸ تاڭدا ەلدٸڭ گازدى قايتا ٶڭدەۋ بويىنشا بالاما مٷمكٸندٸگٸ جوق», – دەپ مويىندادى مينيستر.
سونىمەن قاتار ول بۇل جاعدايدىڭ ٸشكٸ نارىقتاعى گازبەن قامتاماسىز ەتۋگە ەش ەسەر ەتپەيتٸنٸن اتاپ ٶتتٸ.
