2025 jyldyń 1 qazanyna deiin Qazaqstanda óndiristegi jazataiym oqiǵalar saldarynan 934 adam zardap shegip, olardyń 133-i kóz jumǵan, dep habarlaidy Dalanews.kz.
"Eńbek jáne halyqty áleýmettik qorǵaý ministrligi Eńbek inspektsiiasy komitetiniń derekterine sáikes, 2025 jyldyń 1 qazanyna deiin óndiristegi jazataiym oqiǵalardan 934 qyzmetker zardap shekken, onyń 133-i qaitys bolǵan. Sonymen qatar biyl toǵyz aidyń qorytyndysy boiynsha óndiristik jaraqattaný deńgeii ótken jyldyń sáikes kezeńimen salystyrǵanda 3,4%-ǵa tómendegen", – delingen Eńbek jáne halyqty áleýmettik qorǵaý ministrliginiń habarlamasynda.
Jarty jyl qorytyndysy boiynsha óndiristegi jazataiym oqiǵalardyń jiilik koeffitsienti myń jumysshyǵa shaqqanda 0,13 deńgeiinde tirkelgen.
Óndiristik jaraqattanýdyń eń joǵary deńgeii eldiń ónerkásiptik aimaqtarynda saqtalyp otyr. Qaraǵandy oblysynda – 103 adam, Shyǵys Qazaqstanda – 89, Pavlodarda – 68, Aqtóbe oblysynda – 64, Atyraýda – 48 adam zardap shekken. Almatyda 51 jaǵdai tirkelgen.
Jazataiym oqiǵalardyń eń kóbi taý-ken metallýrgiia salasynda (17,4%) jáne qurylys sektorynda (10,2%) bolǵan.
Negizgi sebepter – jumystardyń tiisti deńgeide uiymdastyrylmaýy (34,2%), zardap shekkenderdiń abaisyzdyǵy (33,6%), eńbek qaýipsizdigi erejelerin (8,5%) jáne jol qozǵalysy qaǵidalaryn (7,8%) buzý.
Quqyq qorǵaý organdaryna 730 material joldanyp, sonyń 211-i boiynsha qylmystyq is qozǵalǵan.
