2027 jylǵa qaraı halyqtyń 100%-y ınternetpen qamtylýy múmkin. Bul týraly Úkimet otyrysynda premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev málimdedi, dep habarlaıdy Dalanews.kz.
Sheneýniktiń aıtýynsha, keıingi úsh jylda telekomýnıkasıa salasyna 1 trln teńgeden asa ınvestısıa baǵyttalǵan. Bul eldegi ınternettiń ortasha jyldamdyǵyn 94 Mbıt/s deıin arttyrýǵa múmkindik bergen.
"Salany damytý 2024–2027 jyldarǵa arnalǵan "Qoljetimdi ınternet" ulttyq jobasy aıasynda júzege asyrylyp jatyr. 2027 jyldyń sońyna deıin halyqtyń 100%-y ınternetpen qamtylady. Internet jyldamdyǵy 100 Mbıt/s-tan asyp, optıkalyq baılanys jelileri aýyldyq eldi mekenderdiń 90%-yna deıin tartylady", - dedi Jaslan Mádıev.
