Batys Qazaqstan oblysy Terekti aýdanyndaǵy mektepterdiń birinde oqýshy synyptasyna pyshaqpen shabýyl jasaǵan, dep habarlaidy Dalanews.kz.
Bala quqyqtary jónindegi ýákil Dinara Zákieva habarlaǵandai, shabýyl jasaǵan bala anasynan aiyrylǵan, ákesi men ájesimen birge turady. Otbasylyq jaǵdaiy qiyn, óz baspanalary joq. Buǵan deiin apatty jaǵdaida turǵan úide ómir súrgen, jaqynda ǵana basqa úige kóshken. Sonymen qatar quqyq qorǵaýshynyń aitýynsha, mektepte ol jasóspirim erekshe nazar aýdarýdy qajet etetin oqýshylar tiziminde bolmaǵan.
"Bul eshbir jaǵdaida qylmysty aqtamaidy. Alaida bul balalarmen jáne olardyń otbasylarymen jeke jumys júrgizý, profilaktikalyq sharalardyń sapasyna nazar aýdarý qajet ekenin kórsetetin mańyzdy belgi", – dedi Dinara Zákieva.
BQO politsiia departamentiniń málimetinshe, Terekti aýdanyndaǵy mektepterdiń birinde bolǵan bul oqiǵaǵa bailanysty sotqa deiingi tergeý bastaldy. Aldyn ala derekterge súiensek, janjal oqýshylar arasyndaǵy ózara kelispeýshilikten shyqqan.
"Kúdikti oqýshy ustalyp, politsiia bólimine jetkizildi. Sondai-aq, janjalǵa qatysy bar kámeletke tolmaǵandardyń ata-analaryna balalardy tárbieleý jónindegi mindetterin tiisti deńgeide oryndamaǵany úshin shara qoldanylady. Materialdar aýdan ákimdigi janyndaǵy kámeletke tolmaǵandar isteri jónindegi komissiiaǵa joldandy", – delingen politsiia departamentiniń baspasóz qyzmeti taratqan habarlamada.
Qazir oqiǵanyń tolyq mán-jaiy anyqtalyp jatyr. Qylmystyq istiń tergeý barysy BQO politsiia departamenti basshylyǵynyń erekshe baqylaýynda.
