Ekspertterdi daıarlaý jáne súıemeldeý baǵdarlamasynyń alǵashqy legine ótinim qabyldaý ashyq dep habarlaıdy Dalanews.kz.
BAǴDARLAMA TÝRALY
Qazaq Expert Club Ál-Farabı atyndaǵy Qazaq ulttyq ýnıversıtetimen birlesip, PaperLab jáne TEDxAstana qoldaýymen jańa baǵdarlamany iske qosady. Baǵdarlama qoǵamdaǵy jańa oı kóshbasshylaryn tárbıeleýge jáne uzaq merzimdi medıakarerany damytýǵa baǵyttalǵan. 5 aptalyq ıntensıv barysynda qatysýshylar ózderiniń medıa salasyndaǵy ornyn anyqtap, sheshim qabyldaıtyn tulǵalarmen turaqty baılanys ornatyp, kásibı yqpalyn arttyrady.
BUL NESİMEN MAŃYZDY?
Bizdiń áleýmettik mısıamyz - naqty dálelderge negizdelgen sheshim qabyldaý mádenıetin (evidence-based decision-making) damytý. Qazaq Expert Club dezınformasıamen kúresip, qoǵamda senimdi saraptamalyq pikir qalyptastyrýdy kózdeıdi. Biz úshin bilim men saraptamanyń monopolıasy bolmaýy tıis. Sapaly saraptama - qarapaıym azamattan bastap memlekettik qurylymdarǵa deıin barshaǵa qoljetimdi bolýy kerek.
BAǴDARLAMA KİMDERGE ARNALǴAN?
- Medıa keńistiginde óz kúshin synap kórgen, saraptamalyq blogtar júrgizip, jańa aýdıtorıa izdeıtinderge;
- Óziniń qoǵamdyq saraptamasyn tabys kózine aınaldyrýǵa nemese ony qoǵamdyq-saıası yqpalǵa konvertasıalaýǵa daıyn adamdarǵa;
- Tek keń aýdıtorıamen ǵana emes, sonymen qatar decision makers — memlekettik organdarmen, bıznes jáne ÚEU ókilderimen jumys isteýdi kózdeıtin mamandarǵa;
- Óz brendimen júıeli túrde jumys isteýge jáne kásibı qoldaýǵa daıyn sarapshylarǵa arnalǵan.
BAǴDARLAMANYŃ MAZMUNY
- 2025 jyldyń qarasha–jeltoqsan aılarynda Almaty qalasynda senbi kúnderi ótetin 5 oflaın-ıntensıv (baǵdarlama jol jáne turý shyǵyndaryn ótemeıdi);
- Uzaq merzimdi jeke ilgeriletý josparlary;
- Eń úzdik 5 qatysýshyǵa Qazaq Expert Club prodúserlik ortalyǵymen kelisimshartqa otyrady;
- Júıeli medıasúıemeldeý jáne saraptamalyq pikirlerge qoldaý;
- Memlekettik qurylymdarmen jáne bıznes ókilderimen seriktestik ornatý múmkindikteri;
- Memlekettik organdar janyndaǵy saraptamalyq keńestermen jumys;
- Sheshim qabyldaıtyn tulǵalarmen jáne kásibı alańdarmen turaqty netvorkıng;
- Qatysýshylardy komýnıkasıalyq súıemeldeý.
- Jumys tilderi: qazaq jáne orys.
KİMDİ İZDEIMİZ?
Ekonomıka jáne qarjy, quqyq jáne memlekettik basqarý, ekologıa jáne klımattyń ózgerýi, ýrbanıstıka jáne aýmaqtyq damý, sondaı-aq basqa da áleýmettik-gýmanıtarlyq ǵylymdar salalarynda magıstr deńgeıinen tómen emes akademıalyq bilimi jáne/nemese naqty tájirıbesi bar mamandar.
İRİKTEÝ KEZEŃDERİ
- Ótinim qabyldaý: 15 qazannan bastap
- Suhbat kezeńi: sátti kandıdattarmen suhbat (merzimi qosymsha habarlanady)
- Nátıjeler: 1 qarashaǵa deıin jarıalanady
BAǴDARLAMA TANYSTYRYLYMY
Baǵdarlamaǵa qyzyǵýshylyq tanytqan úmitkerler úshin arnaıy tanystyrylym ótedi. Onda biz joba mısıasyn, oqý modýlderiniń mazmunyn, irikteý krıterıılerin jáne oqý aıaqtalǵannan keıingi prodúserlik qoldaý formatyn tanystyramyz. Bul sizge baǵdarlamaǵa qatysý týraly sanaly sheshim qabyldaýǵa kómektesedi.
Ótinimdi tómendegi silteme nemese bizdiń saıt arqyly berýge bolady: https://docs.google.com/forms/d/e/1FAIpQLSdXP9-iLQQ4pcodt1Krl6jEechwp0P9lLLR2AhMR98gO60P2w/viewform?usp=header
Telegram: t.me/qazaqexpertclub
Instagram: @qazaqexpertclub
Barlyq suraqtar boıynsha myna elektrondy poshtaǵa jazsańyz bolady: qazaqexpertclub@gmail.com
