ەكسپەرتتەردى دايارلاۋ جانە سۇيەمەلدەۋ باعدارلاماسىنىڭ العاشقى لەگىنە ءوتىنىم قابىلداۋ اشىق دەپ حابارلايدى Dalanews.kz.
باعدارلاما تۋرالى
Qazaq Expert Club ءال-فارابي اتىنداعى قازاق ۇلتتىق ۋنيۆەرسيتەتىمەن بىرلەسىپ، PaperLab جانە TEDxAstana قولداۋىمەن جاڭا باعدارلامانى ىسكە قوسادى. باعدارلاما قوعامداعى جاڭا وي كوشباسشىلارىن تاربيەلەۋگە جانە ۇزاق مەرزىمدى مەدياكارەرانى دامىتۋعا باعىتتالعان. 5 اپتالىق ينتەنسيۆ بارىسىندا قاتىسۋشىلار وزدەرىنىڭ مەديا سالاسىنداعى ورنىن انىقتاپ، شەشىم قابىلدايتىن تۇلعالارمەن تۇراقتى بايلانىس ورناتىپ، كاسىبي ىقپالىن ارتتىرادى.
بۇل نەسىمەن ماڭىزدى؟
ءبىزدىڭ الەۋمەتتىك ميسسيامىز - ناقتى دالەلدەرگە نەگىزدەلگەن شەشىم قابىلداۋ مادەنيەتىن (evidence-based decision-making) دامىتۋ. Qazaq Expert Club دەزينفورماسيامەن كۇرەسىپ، قوعامدا سەنىمدى ساراپتامالىق پىكىر قالىپتاستىرۋدى كوزدەيدى. ءبىز ءۇشىن ءبىلىم مەن ساراپتامانىڭ مونوپولياسى بولماۋى ءتيىس. ساپالى ساراپتاما - قاراپايىم ازاماتتان باستاپ مەملەكەتتىك قۇرىلىمدارعا دەيىن بارشاعا قولجەتىمدى بولۋى كەرەك.
باعدارلاما كىمدەرگە ارنالعان؟
- مەديا كەڭىستىگىندە ءوز كۇشىن سىناپ كورگەن، ساراپتامالىق بلوگتار جۇرگىزىپ، جاڭا اۋديتوريا ىزدەيتىندەرگە؛
- ءوزىنىڭ قوعامدىق ساراپتاماسىن تابىس كوزىنە اينالدىرۋعا نەمەسە ونى قوعامدىق-ساياسي ىقپالعا كونۆەرتاسيالاۋعا دايىن ادامدارعا؛
- تەك كەڭ اۋديتوريامەن عانا ەمەس، سونىمەن قاتار decision makers — مەملەكەتتىك ورگاندارمەن، بيزنەس جانە ۇەۇ وكىلدەرىمەن جۇمىس ىستەۋدى كوزدەيتىن ماماندارعا؛
- ءوز برەندىمەن جۇيەلى تۇردە جۇمىس ىستەۋگە جانە كاسىبي قولداۋعا دايىن ساراپشىلارعا ارنالعان.
باعدارلامانىڭ مازمۇنى
- 2025 جىلدىڭ قاراشا–جەلتوقسان ايلارىندا الماتى قالاسىندا سەنبى كۇندەرى وتەتىن 5 وفلاين-ينتەنسيۆ (باعدارلاما جول جانە تۇرۋ شىعىندارىن وتەمەيدى)؛
- ۇزاق مەرزىمدى جەكە ىلگەرىلەتۋ جوسپارلارى؛
- ەڭ ۇزدىك 5 قاتىسۋشىعا Qazaq Expert Club پروديۋسەرلىك ورتالىعىمەن كەلىسىمشارتقا وتىرادى؛
- جۇيەلى مەدياسۇيەمەلدەۋ جانە ساراپتامالىق پىكىرلەرگە قولداۋ؛
- مەملەكەتتىك قۇرىلىمدارمەن جانە بيزنەس وكىلدەرىمەن سەرىكتەستىك ورناتۋ مۇمكىندىكتەرى؛
- مەملەكەتتىك ورگاندار جانىنداعى ساراپتامالىق كەڭەستەرمەن جۇمىس؛
- شەشىم قابىلدايتىن تۇلعالارمەن جانە كاسىبي الاڭدارمەن تۇراقتى نەتۆوركينگ؛
- قاتىسۋشىلاردى كوممۋنيكاسيالىق سۇيەمەلدەۋ.
- جۇمىس تىلدەرى: قازاق جانە ورىس.
كىمدى ىزدەيمىز؟
ەكونوميكا جانە قارجى، قۇقىق جانە مەملەكەتتىك باسقارۋ، ەكولوگيا جانە كليماتتىڭ وزگەرۋى، ۋربانيستيكا جانە اۋماقتىق دامۋ، سونداي-اق باسقا دا الەۋمەتتىك-گۋمانيتارلىق عىلىمدار سالالارىندا ماگيستر دەڭگەيىنەن تومەن ەمەس اكادەميالىق ءبىلىمى جانە/نەمەسە ناقتى تاجىريبەسى بار ماماندار.
ىرىكتەۋ كەزەڭدەرى
- ءوتىنىم قابىلداۋ: 15 قازاننان باستاپ
- سۇحبات كەزەڭى: ءساتتى كانديداتتارمەن سۇحبات (مەرزىمى قوسىمشا حابارلانادى)
- ناتيجەلەر: 1 قاراشاعا دەيىن جاريالانادى
باعدارلاما تانىستىرىلىمى
باعدارلاماعا قىزىعۋشىلىق تانىتقان ۇمىتكەرلەر ءۇشىن ارنايى تانىستىرىلىم وتەدى. وندا ءبىز جوبا ميسسياسىن، وقۋ مودۋلدەرىنىڭ مازمۇنىن، ىرىكتەۋ كريتەرييلەرىن جانە وقۋ اياقتالعاننان كەيىنگى پروديۋسەرلىك قولداۋ فورماتىن تانىستىرامىز. بۇل سىزگە باعدارلاماعا قاتىسۋ تۋرالى سانالى شەشىم قابىلداۋعا كومەكتەسەدى.
ءوتىنىمدى تومەندەگى سىلتەمە نەمەسە ءبىزدىڭ سايت ارقىلى بەرۋگە بولادى: https://docs.google.com/forms/d/e/1FAIpQLSdXP9-iLQQ4pcodt1Krl6jEechwp0P9lLLR2AhMR98gO60P2w/viewform؟usp=header
Telegram: t.me/qazaqexpertclub
Instagram: @qazaqexpertclub
بارلىق سۇراقتار بويىنشا مىنا ەلەكتروندى پوشتاعا جازساڭىز بولادى: qazaqexpertclub@gmail.com
