الماتىدا 12 جاستاعى جاسٶسپٸرٸمنٸڭ ٶلٸمٸنە قاتىستى تەرگەۋ جالعاسىپ جاتىر. قايعىلى وقيعا بويىنشا كٷدٸككە ٸلٸنگەن كەمەلەتكە تولماعان بالا مامانداندىرىلعان ارنايى مەكەمەگە ورنالاستىرىلدى, دەپ حابارلايدى dalanews.kz.
الماتى قالاسى پوليتسييا دەپارتامەنتٸنٸڭ مەلٸمەتٸنشە, تٷركسٸب اۋدانىندا بولعان وقيعانىڭ مەن-جايىن انىقتاۋ ٷشٸن تەجٸريبەلٸ تەرگەۋشٸلەر مەن جەدەل ۋەكٸلدەردەن ارنايى جەدەل-تەرگەۋ توبى قۇرىلعان. قازٸرگٸ تاڭدا وقيعا ورنى مەن وعان جاقىن ماڭداعى بەينەباقىلاۋ كامەرالارىنىڭ جازبالارى, سونداي-اق ٸسكە قاتىسى بولۋى مٷمكٸن باسقا دا تسيفرلىق دەرەكتەر مۇقييات تەكسەرٸلٸپ, قىلمىستىق ٸس ماتەريالدارىنا تٸركەلگەن.
الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك تەرگەۋ اياسىندا بارلىق بولجامدار مەن نۇسقالار قارالىپ جاتقانىن ايتتى.
"وقيعا ورنى مەن وعان ٸرگەلەس اۋماقتارداعى بەينەجازبالار, سونداي-اق بولعان جاعدايدىڭ وبەكتيۆتٸ كٶرٸنٸسٸن انىقتاۋعا ماڭىزى بار ٶزگە دە تسيفرلىق دەرەكتەر زەرتتەلٸپ, ٸس ماتەريالدارىنا قوسىلدى. بارلىق ۋەجدەر مەن نۇسقالار تەكسەرٸلٸپ جاتىر", – دەدٸ ول.
الدىن الا مەلٸمەت بويىنشا, اۋىر قىلمىسقا بٸر كەمەلەتكە تولماعان جاسٶسپٸرٸمنٸڭ قاتىسى بار ەكەنٸ انىقتالعان. ول ۇستالىپ, مامانداندىرىلعان ارنايى مەكەمەگە وقشاۋلاندى.
پوليتسييانىڭ حابارلاۋىنشا, ەكٸ جاسٶسپٸرٸمنٸڭ اراسىندا بۇرىننان كەلٸسپەۋشٸلٸك بولعان. ولاردىڭ اراسىنداعى جانجال ٶزارا ارازدىقتان تۋىنداپ, ارتى پىشاق قولدانىلعان قايعىلى وقيعاعا ۇلاسقان.
سالتانات ەزٸربەكتٸڭ ايتۋىنشا, قولدا بار بەينەجازبالار مەن حات الماسۋلارعا سەيكەس, قازا تاپقان جاسٶسپٸرٸم كٷدٸكتٸنٸڭ تۇرعىلىقتى جەرٸنە ٶزارا مەسەلەنٸ شەشۋ ٷشٸن بارعانى الدىن الا انىقتالعان.
"قازٸرگٸ ۋاقىتتا جەبٸرلەنۋشٸ تاراپقا ٸستٸڭ بارلىق مەن-جايى تٷسٸندٸرٸلدٸ", – دەپ تولىقتىردى پوليتسييا ٶكٸلٸ.
ايتا كەتەيٸك, بۇعان دەيٸن الماتىدا 12 جاستاعى مەكتەپ وقۋشىسىنىڭ كٶپتەگەن پىشاق جاراقاتىنان كٶز جۇمعانى حابارلانعان ەدٸ. بۇل ٸسكە كٷدٸكتٸ رەتٸندە 13 جاستاعى جاسٶسپٸرٸم قاراستىرىلىپ جاتىر. مارقۇمنىڭ جاقىندارى كٷدٸكتٸنٸڭ كەمەلەتكە تولماعانىنا بايلانىستى ونىڭ زاڭ الدىندا تيٸستٸ جاۋاپكەرشٸلٸككە تارتىلماي قالۋى مٷمكٸن دەپ الاڭداۋلى.
