Aqtóbe oblysynda kezekti apparat májilisinde memlekettik organdardaǵy qyzmettik ádep normalarynyń saqtalýy, moraldyq-psihologiialyq ahýal jáne sybailas jemqorlyqtyń aldyn alý máseleleri qaraldy, dep habarlaidy Dalanews.kz.
Qazaqstan Respýblikasy Memlekettik qyzmet isteri agenttiginiń Aqtóbe oblysy boiynsha departamentiniń basshysy Aibek Shilmanov óńirde qyzmettik ádepti saqtaý jáne sybailas jemqorlyqtyń aldyn alý baǵytynda júieli jumys júrgizilip jatqanyn atap ótti. Sonymen qatar, jekelegen buzýshylyqtar profilaktikalyq sharalardy kúsheitýdi jáne basshylardyń jeke jaýapkershiligin arttyrý qajettigin kórsetetinin aitty.
Jiyn qorytyndysy boiynsha óńir basshysy Ashat Shaharov memlekettik organdardyń basshylaryna qyzmettik ádep pen sybailas jemqorlyqqa qarsy zańnama talaptaryn túsindirý jáne aldyn alý jumystaryn kúsheitýdi, sondai-aq ujymdardaǵy moraldyq-psihologiialyq ahýalǵa júieli baqylaý ornatýdy tapsyrdy.
«Ádep normalarynyń buzylýy men sybailas jemqorlyq kórinisteri azamattardyń bilikke degen senimin tómendetedi. Árbir basshy ózine baǵynysty qurylymdardaǵy tártip pen moraldyq ahýaldyń jaǵdaiyna jeke ózi jaýapty bolýy tiis», – dep atap ótti Ashat Shaharov.
Memlekettik qyzmet isteri agenttiginiń departamenti aldaǵy ýaqytta sybailas jemqorlyq táýekelderine taldaý júrgizip, monitoring nátijelerin Ádep keńesiniń otyrysynda qaraýdy josparlap otyr.
Oblys ákimi qyzmettik ádep pen sybailas jemqorlyqtyń aldyn alý baǵytyndaǵy jumystyń tiimdiligi memlekettik organdardyń birinshi basshylarynyń tikelei jáne jeke jaýapkershiligi ekenin alǵa tartty.
