Telegram messendjeriniń negizin qalaýshy Pavel Dýrov Lývr murajaiynan urlanǵan áshekei buiymdardy satyp alýǵa daiyn ekenin aitty. Bul týraly ol áleýmettik jelisinde jazdy, dep habarlaidy Dalanews.kz.
"Urlanǵan áshekeilerdi satyp alyp, olardy Lývrǵa qaitaramyn. Árine, men Abý-Dabidegi Lývrdy aityp otyrmyn", – dep jazdy Dýrov.
Ol ázil retinde "Abý-Dabi Lývrynan eshkim eshteńe urlamaidy" dep qosty.
Eske sala ketsek, 19 qazan kúni tańerteń belgisiz adamdar Frantsiiadaǵy Lývr murajaiyn tonap ketti.
Oqiǵa murajai ashylǵanǵa deiin bolǵan. Aldyn ala derekterge qaraǵanda, betperde kigen úsh er adam qurylys júrip jatqan tehnikalyq kireberis arqyly ǵimaratqa kirip, syrtqy júk liftimen kóterilgen. Olar terezelerdi syndyryp, imperatorlyq áshekeiler saqtalǵan Apollon galereiasyna ótken.
Qylmyskerler Napoleon men imperatritsa Jozefinaǵa tiesili kollektsiiadan toǵyz zergerlik buiymdy urlap ketken. Olardyń ishinde táj, brosh, alqa jáne basqa da áshekeiler bar. Eń qymbat eksponattardyń biri – salmaǵy 140 karattan asatyn «Regent» almasy ornynda qalǵan.
Le Parisien basylymynyń málimetinshe, urlanǵan buiymdardyń biri – imperator Napoleon III-niń jary Evgeniianyń tájine uqsas áshekei – murajai mańynan synǵan kúide tabylǵan.
Oqiǵadan keiin qylmyskerler skýtermen qashyp ketken. Zardap shekkender joq, alaida murajai «erekshe jaǵdailarǵa» bailanysty kelýshiler úshin jabyldy. Frantsiianyń mádeniet ministri Rashida Dati oqiǵa ornyna baryp, tergeý júrip jatqanyn jáne keltirilgen zalaldy sarapshylar eseptep jatqanyn rastady.
Tarihi kontekst
Tarihshylar bul urlyqty «Mona Lizanyń» joǵalýynan beri bolǵan eń iri urlyq dep baǵalap otyr.
1911 jyldyń 21 tamyzynda murajai qyzmetkeri Vinchentso Perýdja Leonardo da Vinchidiń áigili kartinasyn paltosynyń astyna jasyryp, ǵimarattan sabyrmen shyǵyp ketken. Týyndy tek eki jyldan keiin Florentsiiada satqan kezde tabylǵan. Dál osy oqiǵa «Djokondany» búkil álemge áigili etken.
Ár jyldary Lývrda usaq óner týyndylary men artefaktilerdiń joǵalýy siiaqty oqiǵalar tirkelgen, biraq olar keiin ishki tekserýler kezinde tabylyp otyrǵan. Mysaly, XVIII ǵasyrdaǵy saǵattar men kóne músinshelerdiń urlaný áreketteri bolǵan.
Alaida búgingi tonaý siiaqty aýqymdy oqiǵa Lývr tarihynda buryn-sońdy bolmaǵan.
Aita keteiik, Lývr jyl saiyn toǵyz millionnan astam kelýshini qabyldaidy jáne álemdik mádeni muranyń eń qundy kollektsiialary saqtalǵan.
