Pavlodar oblysynyń prokýratýrasy jeke sot oryndaýshylarynyń tabysty jasyrý derekterin anyqtady, dep habarlaidy dalanews.kz.
Qadaǵalaý organy júrgizgen tekserý barysynda tekserilgen 73 jeke sot oryndaýshysynyń 53-inde deklaratsiiada kórsetilmegen aktivter bolǵany belgili boldy. Prokýratýranyń aralasýynan keiin olardyń 535,6 mln teńge kólemindegi tabysy resmi túrde deklaratsiialanǵan.
Kameraldyq baqylaý nátijesinde biýdjetke 53 mln teńgeden astam jeke tabys salyǵy tólendi. Sondai-aq salyqty ýaqytyly tólemegeni úshin 10,2 mln teńge ósimpul óndirildi.
Bas prokýratýranyń baspasóz qyzmetiniń málimetinshe, anyqtalǵan zań buzýshylyqtardy joimaǵan jeke sot oryndaýshylaryna qatysty salyqtyq tekserý júrgizý máselesi qarastyrylyp jatyr.
Memlekettik organdar mundai sharalar kóleńkeli tabystardy anyqtaýǵa jáne salyq tártibin kúsheitýge baǵyttalǵanyn atap ótti.
