Qazaqstanda áleýmettik qoldaý júiesin ataýly formatqa kóshirý josparlanyp otyr. Bul týraly Eńbek jáne halyqty áleýmettik qorǵaý ministri Asqarbek Ertaev málimdedi, dep habarlaidy dalanews.kz.
Ministrdiń aitýynsha, reformanyń alǵashqy kezeńinde memleket kómegin shyn máninde muqtaj azamattarǵa baǵyttaý qaǵidaty boiynsha 36 tólem túriniń 14-ine qatysty baza qalyptastyrylady.
Ekinshi kezeńde jergilikti deńgeide kórsetiletin 13 túrli áleýmettik kómek túri muqtajdyq deńgeii eskerilip, tórt baǵytqa biriktiriledi.
Sondai-aq 2027 jyldyń basynan bastap ataýly qoldaý qaǵidatyn ardagerlerge beriletin kómekke engizý josparlanyp otyr.
Budan bólek, vedomstvo erlerge bala kútimi boiynsha demalys berý máselesin jáne áielderdi qoldaý tetikterin ózgertýdi qarastyryp jatyr. Atap aitqanda, qoldaýdy balabaqshadaǵy oryndar sanyn kóbeitý jáne bala kútýshiler tapshylyǵyn azaitý arqyly kórsetý usynylǵan.
Reformalar «Otbasynyń tsifrlyq kartasyndaǵy» «A» (ál-aýqaty joǵary) jáne «V» (jetkilikti qamtylǵan) sanattaryna kiretin azamattarǵa da áser etedi.
Ministrdiń sózinshe, 1 qazannan bastap ózgerister týraly aqparat SMS-habarlama, eGov Mobile jáne bank qosymshalary arqyly jiberiledi. Tiisti túzetýler Ulttyq quryltai qaraýyna usynylady.
