Prezident Qasym-Jomart Toqaev Qazaqstan Qarýly Kúshteri Qurlyq áskerleriniń bas qolbasshysy Mereke Kóshekbaevty qyzmetinen bosatty, dep habarlaidy dalanews.kz.
Memleket basshysynyń ókimimen Mereke Mátimuly Kóshekbaev Qazaqstan Respýblikasy Qarýly Kúshteri Qurlyq áskerleriniń bas qolbasshysy laýazymynan bosatyldy.
Mereke Kóshekbaev bul qyzmetke 2024 jylǵy 26 qarashada taǵaiyndalǵan edi.
Mereke Kóshekbaev kim?
Mereke Kóshekbaev 1976 jyly Batys Qazaqstan oblysynyń Shyńǵyrlaý aýdanynda dúniege kelgen.
1997 jyly Almaty joǵary jalpyáskeri komandalyq ýchilishesin, 2007 jyly Ulttyq qorǵanys ýniversitetin támamdaǵan. 2019 jyly Resei Qarýly Kúshteri Bas shtabynyń Áskeri akademiiasyn bitirgen.
Áskeri qyzmetin kýrsanttan bastap, túrli komandalyq laýazymdarda jalǵastyrdy. Birneshe áskeri bólimdi basqardy, Desanttyq-shabýyldaý áskerleriniń jáne «Ońtústik» óńirlik qolbasshylyǵy áskerleriniń qolbasshysy qyzmetin atqardy.
2023 jyly Bas shtab bastyǵy – Qurlyq áskerleri bas qolbasshysynyń birinshi orynbasary bolyp taǵaiyndaldy. Keiin Qurlyq áskerleriniń bas qolbasshysy qyzmetine kiristi.
General-maior Mereke Kóshekbaev II dárejeli «Dańq» jáne II dárejeli «Aibyn» ordenderimen, sondai-aq vedomstvolyq jáne mereitoilyq medaldarmen marapattalǵan.
