Orynbor GÓZ jumysynyń toqtaýy Qazaqstanǵa gaz jetkizilýine keri áserin tigizbegen. Bul týraly Energetika ministrligi málimdedi, dep habarlaidy Dalanews.kz.
Orynbor gaz óńdeý zaýytynda (GÓZ) shikizat qabyldaý ýaqytsha toqtatylýyna bailanysty Energetika ministrligi mynadai málimdeme jasady:
"BAQ pen áleýmettik jelilerde taralǵan "Astana men basqa da óńirlerde gaz tapshylyǵy bolýy múmkin" degen aqparat shyndyqqa janaspaidy. Qazir eldiń gazdandyrylǵan óńirlerine, sonyń ishinde elordaǵa gaz qalypty rejimde, tolyq kólemde jáne esh shekteýsiz jetkizilip jatyr".
Ministrliktiń aqparatyna sáikes jaqyn arada Orynbor GÓZ-de gaz qabyldaý qaita bastalady. Ýaqytsha shekteýlerge bailanysty Qarashyǵanaq ken ornynyń operatory óndiris kólemin azaitqan.
