ورىنبور گوز جۇمىسىنىڭ توقتاۋى قازاقستانعا گاز جەتكىزىلۋىنە كەرى اسەرىن تيگىزبەگەن. بۇل تۋرالى ەنەرگەتيكا مينيسترلىگى مالىمدەدى، دەپ حابارلايدى Dalanews.kz.
ورىنبور گاز وڭدەۋ زاۋىتىندا (گوز) شيكىزات قابىلداۋ ۋاقىتشا توقتاتىلۋىنا بايلانىستى ەنەرگەتيكا مينيسترلىگى مىناداي مالىمدەمە جاسادى:
"ب ا ق پەن الەۋمەتتىك جەلىلەردە تارالعان "استانا مەن باسقا دا وڭىرلەردە گاز تاپشىلىعى بولۋى مۇمكىن" دەگەن اقپارات شىندىققا جاناسپايدى. ءقازىر ەلدىڭ گازداندىرىلعان وڭىرلەرىنە، سونىڭ ىشىندە ەلورداعا گاز قالىپتى رەجيمدە، تولىق كولەمدە جانە ەش شەكتەۋسىز جەتكىزىلىپ جاتىر".
مينيسترلىكتىڭ اقپاراتىنا سايكەس جاقىن ارادا ورىنبور گوز-دە گاز قابىلداۋ قايتا باستالادى. ۋاقىتشا شەكتەۋلەرگە بايلانىستى قاراشىعاناق كەن ورنىنىڭ وپەراتورى ءوندىرىس كولەمىن ازايتقان.
