Marapattalǵandar tiziminde elimizdiń áleýmettik-ekonomikalyq jáne mádeni damýyna eleýli úles qosqan almatylyqtar boldy.
Olardyń qatarynda Almaty qalasynyń Qurmetti azamaty, Almaty qalalyq ardagerler uiymynyń tóraǵasy, III dárejeli «Barys» ordenimen marapattalǵan Aqan Bijanov bar.
Memleket basshysynyń Jarlyǵymen «Parasat» ordenimen Natalia Sats atyndaǵy balalar men jasóspirimderge arnalǵan memlekettik akademiialyq orys teatrynyń jetekshi aktrisasy Valeriia Krymskaia jáne eńbek ardageri, konkimen syrǵanaýdan eńbek sińirgen jattyqtyrýshy Mai Hvan marapattaldy.
Qazaqstannyń eńbek sińirgen qairatkeri qurmetti ataǵy kompozitor, qazaq ulttyq qyzdar pedagogikalyq ýniversitetiniń professory, 80-nen astam án avtory Agime Isaǵulovaǵa berildi.
«Qala ákimi Memleket basshysynyń atynan almatylyqtarǵa «Qurmet», «Eńbek dańqy» ordenderin, «Eren eńbegi úshin», «Shapaǵat» jáne t.b. medaldardy tabys etti. Memlekettik nagradalarmen atap ótilgenderdiń qatarynda densaýlyq saqtaý, bilim berý, mádeniet, biznes jáne ónerkásip, qurylys, kólik jáne energetika salalarynyń ókilderi, qoǵam jáne saiasi qairatkerler, memlekettik qyzmetshiler jáne basqalar bar.
Atap óterlik jait, merekelik kúnder kúntizbesine 13 jyldan keiin oralǵan Respýblika kúni qarsańynda memlekettik nagradalardy tapsyrýdyń saltanatty rásimi osydan 32 jyl buryn Qazaq KSR Memlekettik Egemendigi týraly Deklaratsiia qabyldanǵan zalda ótti.
Is-sharaǵa Qazaqstan halqy Assambleiasynyń, qalanyń qoǵamdyq keńesiniń, jastar uiymdarynyń ókilderi, mádeniet qairatkerleri, JOO rektorlary, máslihat depýtattary jáne t.b. qatysty», - delingen qala ákimdigi taratqan habarlamada.
