Semserlesýden Qazaqstan erler komandasy 24 jyldan keiin jazǵy Aziia oiyndarynda altyn aldy, dep habarlaidy dalanews.kz.
HH jazǵy Aziia oiyndarynda Qazaqstan qorjynyna kezekti altyn medal tústi, dep habarlaidy QR Týrizm jáne sport ministrligi Sportty damytý direktsiiasynyń baspasóz qyzmeti.
Semserlesýdiń sapy baǵdarlamasynda Qazaqstan erler quramasy finalda Ońtústik Koreiamen bas júldeni sarapqa saldy. Kezdesý nátijesinde bizdiń sportshylar basym tústi.
Biyl álem chempionatynda top jarǵan Qazaqstan semserlesý sheberleri úshin bul Aziada tarihyndaǵy 3-altyn.
Osyǵan deiingi Qazaqstannyń kórsetkishteri:
- Hirosima 1994 jyl - altyn
- Bangkok 1998 jyl - kúmis
- Pýsan 2002 jyl - altyn
- Doha 2006 jyl - qola
- Gýanchjoý 2010 jyl - kúmis
- Inchhon 2014 jyl - qola
- Djakarta 2018 jyl - qola
- Gýanchjoý 2022 jyl - kúmis
Qazaqstan komandasynyń búgingi nátijesi:
- Jartylai final: Qazaqstan - Gonkong 45-34.
- Shirek final: Qazaqstan - Singapýr 45-36
- 1/8 ainalym: Qazaqstan - Qatar 45-27
Búgin Ulttyq qurama sapynda Rýslan Kýrbanov, Vadim Sharlaimov pen jekelei synnyń kúmis júldegeri Kirill Prohodov, Erlik Sertai synǵa tústi.
Aita keteiik, osyǵan deiin qazaq semserlesý sheberleri osy Aziadada 1 kúmis jáne 3 qola medal alyp úlgerdi.
