ماراپاتتالعاندار تىزىمىندە ەلىمىزدىڭ الەۋمەتتىك-ەكونوميكالىق جانە مادەني دامۋىنا ەلەۋلى ۇلەس قوسقان الماتىلىقتار بولدى.
ولاردىڭ قاتارىندا الماتى قالاسىنىڭ قۇرمەتتى ازاماتى، الماتى قالالىق ارداگەرلەر ۇيىمىنىڭ ءتوراعاسى، III دارەجەلى «بارىس» وردەنىمەن ماراپاتتالعان اقان بيجانوۆ بار.
مەملەكەت باسشىسىنىڭ جارلىعىمەن «پاراسات» وردەنىمەن ناتاليا ساس اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق ورىس تەاترىنىڭ جەتەكشى اكتريساسى ۆالەريا كرىمسكايا جانە ەڭبەك ارداگەرى، كونكيمەن سىرعاناۋدان ەڭبەك سىڭىرگەن جاتتىقتىرۋشى ماي حۆان ماراپاتتالدى.
قازاقستاننىڭ ەڭبەك سىڭىرگەن قايراتكەرى قۇرمەتتى اتاعى كومپوزيتور، قازاق ۇلتتىق قىزدار پەداگوگيكالىق ۋنيۆەرسيتەتىنىڭ پروفەسسورى، 80-نەن استام ءان اۆتورى اگيمە يساعۇلوۆاعا بەرىلدى.
«قالا اكىمى مەملەكەت باسشىسىنىڭ اتىنان الماتىلىقتارعا «قۇرمەت»، «ەڭبەك داڭقى» وردەندەرىن، «ەرەن ەڭبەگى ءۇشىن»، «شاپاعات» جانە ت.ب. مەدالداردى تابىس ەتتى. مەملەكەتتىك ناگرادالارمەن اتاپ وتىلگەندەردىڭ قاتارىندا دەنساۋلىق ساقتاۋ، ءبىلىم بەرۋ، مادەنيەت، بيزنەس جانە ونەركاسىپ، قۇرىلىس، كولىك جانە ەنەرگەتيكا سالالارىنىڭ وكىلدەرى، قوعام جانە ساياسي قايراتكەرلەر، مەملەكەتتىك قىزمەتشىلەر جانە باسقالار بار.
اتاپ وتەرلىك جايت، مەرەكەلىك كۇندەر كۇنتىزبەسىنە 13 جىلدان كەيىن ورالعان رەسپۋبليكا كۇنى قارساڭىندا مەملەكەتتىك ناگرادالاردى تاپسىرۋدىڭ سالتاناتتى ءراسىمى وسىدان 32 جىل بۇرىن قازاق كسر مەملەكەتتىك ەگەمەندىگى تۋرالى دەكلاراسيا قابىلدانعان زالدا ءوتتى.
ءىس-شاراعا قازاقستان حالقى اسسامبلەياسىنىڭ، قالانىڭ قوعامدىق كەڭەسىنىڭ، جاستار ۇيىمدارىنىڭ وكىلدەرى، مادەنيەت قايراتكەرلەرى، جوو رەكتورلارى، ءماسليحات دەپۋتاتتارى جانە ت.ب. قاتىستى»، - دەلىنگەن قالا اكىمدىگى تاراتقان حابارلامادا.
