Elordanyń halyqaralyq áýejaiynda Japoniiada ótken HH jazǵy Aziia oiyndarynda akademikalyq eskek esýden el tarihyndaǵy tuńǵysh altyn medaldy jeńip alǵan Vladislav Iakovlev pen Ivan Chernýhindi qarsy alý rásimi ótti, dep habarlaidy Dalanews.kz.
Óz kezeginde sportshylar qoldaý bildirip, kútip alǵan barsha jankúierlerge alǵys aityp, aldaǵy dodalarda da osy biikten kórinýge nietti ekenderin jetkizdi.
Bul jeńis, sondai-aq ulttyq quramanyń basqa da sátti óner kórsetýleri Qazaqstanǵa jalpy medaldar esebinde tórtinshi orynǵa kóterilýge múmkindik berdi. Qazaqstan komandasy Ózbekstan quramasyn basyp ozyp, tek úzdik úshtikke — Qytai, Japoniia jáne Ońtústik Koreiaǵa ese jiberip tur.
Aichi men Nagoiadaǵy Aziia oiyndary 4 qazanǵa deiin jalǵasady.
