Aqmola oblysynyń Zerendi aýdanyndaǵy elektr jelilerin jańartýǵa 8,5 mlrd teńge bólinbek. Alaida milliardtaǵan teńgeniń kelisimsharty ashyq konkýrs ótkizilmei jasalǵan. Buǵan qosa, tańdalǵan merdigerdiń mundai iri infraqurylymdyq jobalardy júzege asyrý tájiribesi bar-joǵy belgisiz, dep habarlaidy dalanews.kz.
Goszakýp málimetinshe, Zerendi aýdanyndaǵy elektr máselesi birneshe jyldan beri sheshilmei keledi. 2023 jyly turǵyndar jaryqtyń jii óshetinine shaǵymdanǵan. Mundai jaǵdai 2024 jyly da qaitalandy. Byltyr tamyzda aýdan ákimi keibir eldi mekenderdegi elektr jelileriniń tolyq tozǵanyn aitqan edi.
Biyl aqpanda turǵyn úi-kommýnaldyq qyzmetterge qatysty qoǵamdyq qabyldaý ótip, onda elektrmen qamtamasyz etý máselesi de kóterildi. Al naýryzda aýdanda elektr qýaty men jylý bir ýaqytta óshkeni týraly habar tarady.
Demek, jelilerdiń apatty jaǵdaida ekeni jaýapty organdarǵa burynnan belgili. Soǵan qaramastan, máseleni sheshýge baǵyttalǵan aýqymdy joba endi ǵana qolǵa alynyp otyr. Nelikten qurylys jumystary buǵan deiin bastalmaǵany túsiniksiz.
8,5 mlrd teńgelik kelisimsharttyń bir kózden jasalǵany da nazar aýdartady. Ashyq derekterde jobaǵa qatysty tolyq qujattar jariialanbaǵan. Qazirgi ýaqytta kelisim týraly qysqasha málimet qana bar.
Merdigerdi tańdaý máselesi de suraq týdyrady. Kompaniia buǵan deiin ǵimarattardy jóndeý jáne satý, balalar men fýtbol alańdaryn salý jumystarymen ainalysqan. Al iri elektr jelilerin salý boiynsha tájiribesi týraly ashyq málimet joq.
Endi memlekettik organdar elektr jelilerin jańartý jumystarynyń nege kesh bastalǵanyn, merdigerdiń qandai talaptar boiynsha tańdalǵanyn jáne 8,5 mlrd teńgeniń naqty qalai jumsalatynyn túsindirýge tiis. Mundai iri joba barynsha ashyq júzege asyrylýy kerek.
