Onyń ólimine qatysty sheteldik beldi basylymnyń biri budan buryn: «egerde bul shyn bolsa, Rahat Əlievti týǵan jeri – Qazaqstanda jerleidi, al ótirik bolsa, onyń denesi Avstriiada qalady» dep jazǵan edi.
Biletin bolsańyzdar Əliev Venadaǵy qurmetti azamattarǵa arnalǵan eski hristian ziratynda jer qoinyna tapsyrylǵan-tuǵyn...
Qaitalap aitaiyq, biz onyń óli-tirisin bilmeimiz. Ony «tiri»dep tujyrymdap otyrǵanymyz joq. Bilerimiz «bilikte, joǵary jaqta dəl osyndai əńgimeler aitylýda» deidi gazetimizge aty-jónin aitpaýdy ótingen anonim.
Budan buryn ǵalamtorda (onyń ishinde Youtube videohostinginde. – avt.) «Rahat Áliev tiri me?» degen video jariialanǵan bolatyn. Ony kimniń jáne qandai maqsatpen daiyndaǵany belgisiz. Áiteýir astary belgili. Áliev tiri degendi aitqysy kelgendei. Osy videoda Rahatqa qatysty pikir bildirgen avstriialyq saiasattanýshy Mikael Laýbshtyń aitýynsha, Əliev atalǵan jerdegi qabirdi kózi tirisinde satyp alyp qoiǵan.
Batystaǵy aqparat quraldary munyń bərine senbestikpen qaraidy.
«Əliev kózi tirisinde bul oryndy shynymen de satyp alǵan shyǵar, biraq qabirdegi belgitasqa Quran emes, latyn tilindegi sózderdiń jazylýy qyzyq...kúməndi. Jalpy onyń ólimine qatysty basy ashylmaǵan tumandy dúnieler jetip artylady» deidi Batys basylymdary.
– Bul araǵa keletinder jəne Rahat Əlievtiń bastan keshkenin shet jaǵalai bolsa da biletinder onyń jatqan jerin kórgende myrs etip kúlýi múmkin. Olar úshin munyń bəri ənsheiin kitch (haltýra). Menińshe, munyń bərin Eýropaǵa kórsetý úshin emes, eń aldymen Qazaqstan úshin jasaǵan siiaqty, iaǵni, Qazaqstan turǵyndarynyń kózin jetkizý, sendirý úshin, – depti Laýbshtyń ózi.
Resmi túrde ol – ólgen, onyń neden ólgeni, qalai ólgeni baian etilgen jəne bizdiń buǵan basqa alyp qosarymyz joq.
Bizge qyzyqtysy: «biliktiń óz ishinde osyndai əńgimelerdiń aitylyp júrgeni shynymen de ras bolsa, munyń bərin elge taratý kimge tiimdi jəne buǵan kim múddeli?».
Rahat Álievtiń ákesine jazǵan hatynda qandai syr bar?
Buǵan da bara bere almaimyz. Biraq, balasynyń ákesine jazǵan hatyn taǵy da bir qaitalap bergendi jón kórdik.
Rahat Álievtiń ólerinen bir kún buryn ákesine jazǵan haty
– Áke, sen qaitty degen habar meniń qabyrǵamdy qaiystyrdy. Munda, Venanyń tergeý izoliatoryna habar kesh jetedi. Ázir sizge arnap bir aýyz sóz aitý maǵan aýyr. Sebebi, ekeýmizdiń aramyzda kóp nárse aitylmai, jasyryn qaldy.
Sen maǵan árqashan úlgi bolatyn ediń. Seniń izińdi qýyp, men de sen sekildi meditsina salasynda bilim aldym. Dáriger-hirýrg boldym. Áke, sen Qyzylordanyń qumdy boranynda, joqshylyqta, ómirdiń taýqymetin tartyp óstiń. Biraq, soǵan qaramai, meditsinanyń úlken shyńyna jettiń. Bul, birinshiden, seniń qaitpas qajyrlyǵyńnyń arqasy edi. Sonan soń, QR meditsinasyn óz qolyńa aldyń, basqardyń. Maǵan bir jaǵynan qiyn, ekinshi jaǵynan ońai boldy. Seniń tanymaldylyǵyńnyń arqasynda men de bilikke keldim.
[caption id="attachment_12433" align="alignright" width="385"]
Sen «kómekke muqtaj patsientke qolyńnan kelgenshe kómek berý – meniń paryzym» deýshi ediń. Muqtajdarǵa bolysý, kómek berý – seniń el súigen qasietterińniń biri edi. Biz otbasymyzda, osy seniń keń júregiń qanshaǵa jeter eken dep alańdaýshy edik. Biraq, bul seniń tańdaýyń ekenin men jaqsy túsindim. Sen meditsinadaǵy Álievterdiń dinastiiasyn qurdyń. Seniń shákirtteriń Qazaqstannyń shartarabynda, olar endi ózderi doktor, kandidat jáne myqty hirýrgter tárbieleýde.
Men UQQ basqarýǵa taǵaiyndaǵan kezde seniń reaktsiiańdy áli umytqan joqpyn.
Sen: «Qolyńdy bylǵama!» dep ediń. Sondai-aq, «UQQ, UQQ – bul óte las saiasat»deýshi ediń. Sonda sen: «Sen esh nárseni ózgerte almaisyń. UQQ – bul memlekettik bilikke paralleldi-bilik jáne ol árqashan las nárselermen ainalysady» dep ediń.
Men UQQ-da istegenimniń bir ǵana qaiyry bolsa, ol UQQ arhivinen atam týraly derekterdi tapqanym boldy. Tipti, arhivterdiń arasynda atamnyń sýreti de bolǵan edi.
1985-1987 jj. Onyń basyna kún týǵan kezde onyń janynda eshkim qalmaǵan edi. Sonda, Sen, Vladimer Ni jáne Syzdyq Ábishev qana bolǵan edińder. Sonda sen óz erkińmen ministrlik oryndy bosatyp, otstavkaǵa kettiń. Seniń bul oryndy bosatýyńnyń basty sebebi, ony tyǵyryqtan shyǵarý edi. Saǵan bilik, mansap eshqashan qyzyq emes edi. Sen «dáriger retinde men halyqqa kerekpin» dediń.
Bizdiń otbasymyzǵa kóńil aitqan hatynda eki túrli oi bildirgen. Oǵan rahmet. Eń quryǵanda meniń balalarym, seniń nemerelerińe seniń jerleý rásimińe qatysýǵa ruqsat berdi.
Ol bul dúniede eshkimniń máńgi emes ekenin túsinse kerek.
Maǵan (seniń jalǵyz ulyńa) qazir óte qiyn. Seniń aldyńdaǵy perzenttik paryzymdy ótei almaǵanyma qinalam. Biraq, bul ýaqyt keletinine men senem.
Rahat Muhtaruly Áliev
P.S. Men barlyq týǵan-týys, dos, baýyrlar men jaqyndaryma rahmet aitam. Sonymen qatar, ákemniń jerleý rásimine qatysqan barlyq tanystary men shákirtterine rizashylyǵymdy bildirgim keledi. Ákem týraly estelikter sizderdiń kóńilderińizden sýymaiynsha, ákem máńgi jasaityn bolady.
Daiyndaǵan, Dýman Byqai
