Atalǵan aýyldarǵa sý qubyryn tartý jumysy 2020 jyly bastalǵan. Uzyndyǵy 41 shaqyrymnan asatyn sý qubyrlarynyń qurylysyna 700 mln. teńgeniń ústinde qarjy bólindi. Tapsyrys berýshi – Ekologiia ministrligi Sý resýrstary komitetiniń «Qazsýshar» sharýashylyq júrgizý quqyǵyndaǵy respýblikalyq memlekettik kásiporny sý sharýashylyǵy komiteti. «Kólsai Stroi» JShS merdiger retinde qurylys jumysyn óz moinyna alǵan. Bir jyldan keiin sý berile bastady. Alaida kóptiń qýanyshy uzaqqa sozylmady. Sýdan tapshylyq kórip, ábigerge túsken aýyl turǵyndarynyń janaiqaiyn Jolan Ábenov jetkizdi.
«Sý 2021 jyly berilip edi. Qysta birtindep qatyp qaldy. Kún jylyǵan soń toń erip, sý qaita aǵatyn bolar dep úmittendik. Alaida sáýir aiynan beri sý sap tyiyldy. Aqshasy tólenbegendikten qiyp tastaǵan dep estidik. Jaǵdaiymyz qiyn. Qazir bir-bir qudyq qazyp alyp, sýyn súzip iship otyrmyz. Sýdyń qory azaiyp kele me, qazǵan jerden sý da shyqpaidy», - dedi ol.
Aqsaqaldyń sózin aýdan ákimi Nurlan Qyzbergenov rastap otyr. Onyń aitýynsha, sáýir aiynan bastap halyqqa sý berilmei jatyr. Onyń birinshi sebebi 600 myń teńge bereshek tólenbei, elektr energiiasy qiylǵan. Al tapsyrys berýshi qurylysty áli qabyldamaǵan bolyp shyqty.
«Buǵan deiin de mundai máseleler kezikti. Biraq biz muny 1-3 kúnniń kóleminde sheship, bereshek qarjyny merdigerge tólettirdik. Sý qubyry jarylyp, 4-5 kún sý berilmei qalǵan kezder de boldy. Biraq aýyldyń halqy sýsyz otyrmasyn dep «Sý sharýashylyǵy» KMK mamandaryn jiberip, jarylǵan jerlerdi óz kúshimizben jamadyq. Bul jerde tapsyrys berýshi men merdiger birigip jumys isteýi kerek», - dedi aýdan ákimi.
Nurlan Qyzbergenov sý qubyrlaryn salý qurylys normalaryna sáikes júrgizilmegenin atap ótti. Qurylys jumysyn tolyq aiaqtaý, kemshilikterdi qalypqa keltirý týraly merdigerge usynys hattar da jazylǵan. Alaida kópshiliktiń úni jaýapsyz qalyp otyr.
Sheńbertal aýylynyń turǵyndary bolsa, qurylystyń sapasyz júrgizilgenine narazy. Aýyl turǵyny Amanbek Ysqaqov qurylys jumysynyń áýel bastan-aq durys júrgizilmegenin alǵa tartty.
«Kólsai Stroi» JShS-nen jastar kelip, jumysty salǵyrt jasap ketti. Endi elektr jelisi de qiyldy. Halyq qinalyp otyr. Sý bar bolǵany úsh ai ǵana aqty. Talabymyz – sý qosylsyn», - dedi ol.
Osy aýyldyń taǵy bir turǵyny Sydyq Moldabekov jalǵyz qudyqtan sý ishken halyqtyń densaýlyǵyna, tazalyq jaǵdaiyna alańdaýly.
«Turǵyndardyń árqaisysy úiinen bir-bir shelek alyp barady. Bir qudyqqa júz shelek túskende qandai tazalyq bolady? Sol sýdy biz iship otyrmyz. Qubyrmen kelgen sý qysta qatyp qaldy, artynan motory isten shyqty Qurylys jumystary durys júrgizilse bulai bolmas edi. Osy máseleni sheship berýlerińizdi suraimyz. Bizdiń jaǵdaiymyzǵa beijai qaramai, «AMANAT» partiiasynan arnaiy kelgenderińizge rizashylyǵymyzdy bildiremiz», - dedi ol.
«Jinalǵan akt, bizge berilgen qujattyń barlyǵyn qaradyq. Aldaǵy ýaqytta komitettiń otyrysyna jaýapty vedomstvo ókilderi, komitet tóraǵalary shaqyrylady. Partiia bul máseleni sońyna deiin baqylaýǵa alady. Óitkeni Óńirlerdi damytýdyń ulttyq jobasy aiasynda halyqty 100 paiyz taza aýyz sýmen qamtamasyz etý – Prezidenttiń bergen tapsyrmasy. Sondai-aq bul máseleni sheshý partiiamyzdyń baǵdarlamasynda da kózdelgen. Ony oryndaý, qadaǵalaý – mindetimiz», - dedi Aijan Ysqaqova.
https://dalanews.kz/news/89252-uzdik-pikirsayysshylar-atagy-ushin-60-kom
https://dalanews.kz/aimak/89211-deputattar-turkistan-oblysynyng-auyl
