Aqtóbede jasóspirimder tóbelesinen keiin kózin aýyr jaraqattaǵan Tamerlan Myrzabaidyń týystary tergeýdiń qaita jandanýyn talap etip otyr, dep habarlaidy Dalanews.kz "Sedmoi kanalǵa" siltep.
Jastar arasyndaǵy janjal túngi ýaqytta beinebaqylaý kameralaryna túsip qalǵan. Onda Tamerlannyń óziniń qatarlastarynan qorǵanyp jatqany kórinedi. Bir sátte onyń betine qatty soqqy keledi. Kózildirigi synyp, áinegi kóz janaryna kirip ketken. Tamerlan – djiý-djitsýmen shuǵyldanǵan sportshy.
"Qazir jarysqa emes, jaryq kúnniń ózine qarai almai otyr",- deidi týystary.
Densaýlyǵynyń kesirinen sabaqtan da qol úzgen. Endi alda uzaq ońaltý men operatsiia kútip tur. Alǵashqyda is eki bappen tergelgen. "Buzaqylyq" jáne "Ortasha aýyrlyqtaǵy dene jaraqatyn keltirý". Alaida keiin politsiia buzaqylyq babyn jaýyp tastaǵan. Jábirlenýshiniń týystary endi ekinshi baptyń da jeńil sipatqa aýysyp ketýinen qaýiptenedi. Tergeý ádil júrgizilýin talap etedi.
