Prezıdent Memlekettik basqarý júıesin odan ári jetildirý jónindegi sharalar týraly jarlyqqa qol qoıdy. Osylaısha Qazaqstan Respýblıkasynyń Jasandy ıntellekt jáne sıfrlyq damý mınıstrligi quryldy, dep habarlaıdy Dalanews.kz
"Inovasıalyq qyzmet salasyndaǵy fýnksıalar men ókilettikterdi Qazaqstan Respýblıkasynyń Ǵylym jáne joǵary bilim mınıstrligine bere otyryp, Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstrligi Qazaqstan Respýblıkasynyń Jasandy ıntellekt jáne sıfrlyq damý mınıstrligi bolyp qaıta qurylý jolymen qaıta uıymdastyrylsyn", - dep jazylǵan jarlyqta.
Sonymen qatar, burynǵy mınıstrliktiń fýnksıalary, ókilettikteri jańadan qurylǵan Jasandy ıntellekt jáne sıfrlyq damý mınıstrligine, oǵan qosa Ǵylym jáne joǵary bilim mınıstrligine berilmek.
Úkimetke memlekettik organdardyń jáne olarǵa vedimistik baǵynysty uıymdardyń shtat sanyn qaıta bólý tapsyryldy.
