پرەزيدەنت مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى جارلىققا قول قويدى. وسىلايشا قازاقستان رەسپۋبليكاسىنىڭ جاساندى ينتەللەكت جانە سيفرلىق دامۋ مينيسترلىگى قۇرىلدى، دەپ حابارلايدى Dalanews.kz
"يننوۆاسيالىق قىزمەت سالاسىنداعى فۋنكسيالار مەن وكىلەتتىكتەردى قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگىنە بەرە وتىرىپ، قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى قازاقستان رەسپۋبليكاسىنىڭ جاساندى ينتەللەكت جانە سيفرلىق دامۋ مينيسترلىگى بولىپ قايتا قۇرىلۋ جولىمەن قايتا ۇيىمداستىرىلسىن"، - دەپ جازىلعان جارلىقتا.
سونىمەن قاتار، بۇرىنعى مينيسترلىكتىڭ فۋنكسيالارى، وكىلەتتىكتەرى جاڭادان قۇرىلعان جاساندى ينتەللەكت جانە سيفرلىق دامۋ مينيسترلىگىنە، وعان قوسا عىلىم جانە جوعارى ءبىلىم مينيسترلىگىنە بەرىلمەك.
ۇكىمەتكە مەملەكەتتىك ورگانداردىڭ جانە ولارعا ۆەدومستۆولىق باعىنىستى ۇيىمداردىڭ شتات سانىن قايتا ءبولۋ تاپسىرىلدى.
