Aitýynsha, Toqaev Batys pen Reseidiń arasyndaǵy teketirestiń barysyn baqylap, ańysyn ańdyp otyr. AQSh-tan qol úzgisi joq, Máskeýmen de qabaq shytysqandy qalamaidy.
Áitse de, mundai ustanym ýaqyt óte kele ózin-ózin aqtaýdan qalady. Qazaq biligi qai taraptyń sózin sóilerin qazirden bastap anyqtaýy tiis. "Ógizdi de óltirmeitin, arbany da syndyrmaityn" pozitsiia Kreml ideologtarynyń sabyryn sarqylta bastaǵan syndy.
Sói degen Satanovskii "Qazaqstan biz úshin aramyzdan qyl etpes dos, tatý kórshi degen túsinikten arylýymyz kerek, olar birte-birte jaý memleketke ainalyp barady" degen eken.
"Bul elde ýkrain stsenarii qaitalana qoiýy ekitalai, oǵan bola ýaiymǵa salynbaiyq. Dese de, Qazaqstanǵa kelgende qaýip týǵyzatyn faktorlar jetip artylady.
Prezident Toqaev Batys pen AQSh-tyń etegine jarmasyp otyr. Sóite tura Pýtinmen de at quiryǵyn úziskisi joq. Tarazyǵa tartqanda, Batystyń salmaǵy basyp tur. Qazaq biligi Eýroodaqtyń eskertýin eki etpei oryndaýda. Toqaev Reseidiń Qazaqstan arqyly sanktsiiany ainalyp ótýine endigide jol bermeidi. Reseidiń odaqtastaryna sanktsiia salynady degen sezik týǵanda-aq qazaq prezidenti qam jasaýǵa kóshti", - deidi Satanovskii.
Onyń paiymdaýynsha, Toqaevtyń qai taraptyń yǵyna jyǵylary aldaǵy bir-eki jylda aiqyndalýy tiis. Dál mundai jaǵdaidy Belarýs te bastan ótkergen. Ishki máseleni tolyq sheship, bilikti basybaily óz qolyna alǵan Lýkashenko kóp uzamai Resei jaqqa ótken.
"Toqaev ta Batkanyń izimen júrýi múmkin. Oryntaǵyna qaýip tóngen Orta Aziia basshylary ádette Reseiden pana suraidy, Pýtinniń aldyna jorǵalap keledi. Sol sátten bastap Batys jaqqa moiyn burýdy doǵarady.
Qazaqtar, aqylymdy tyńdasańdar Eýropaǵa elegizip turatyn ádetten arylyńdar, AQSh senderge aiaýshylyq tanytpaidy. Eýropalyq stsenarii Qazaqstanǵa kirige almaidy", - dep sandyraqtaǵan eken Satanovskii.
AITQANDAI
Nazarbaev klany jáne "Eski Qazaqstan" ókilderi ózara bailanys úshin Signal messendjerin ornata bastady.
Tolyǵyraq: https://t.me/dalainside/1308
https://dalanews.kz/aimak/89234-aqtau-mangyndagy-zhanga-gaz-qubyry-turiz
