ايتۋىنشا، توقايەۆ باتىس پەن رەسەيدىڭ اراسىنداعى تەكەتىرەستىڭ بارىسىن باقىلاپ، اڭىسىن اڭدىپ وتىر. اقش-تان قول ۇزگىسى جوق، ماسكەۋمەن دە قاباق شىتىسقاندى قالامايدى.
ايتسە دە، مۇنداي ۇستانىم ۋاقىت وتە كەلە ءوزىن-وزىن اقتاۋدان قالادى. قازاق بيلىگى قاي تاراپتىڭ ءسوزىن سويلەرىن قازىردەن باستاپ انىقتاۋى ءتيىس. "وگىزدى دە ولتىرمەيتىن، اربانى دا سىندىرمايتىن" پوزيسيا كرەمل يدەولوگتارىنىڭ سابىرىن سارقىلتا باستاعان سىندى.
ءسوي دەگەن ساتانوۆسكيي "قازاقستان ءبىز ءۇشىن ارامىزدان قىل ەتپەس دوس، تاتۋ كورشى دەگەن تۇسىنىكتەن ارىلۋىمىز كەرەك، ولار بىرتە-بىرتە جاۋ مەملەكەتكە اينالىپ بارادى" دەگەن ەكەن.
"بۇل ەلدە ۋكراين سەناريي قايتالانا قويۋى ەكىتالاي، وعان بولا ۋايىمعا سالىنبايىق. دەسە دە، قازاقستانعا كەلگەندە ءقاۋىپ تۋعىزاتىن فاكتورلار جەتىپ ارتىلادى.
پرەزيدەنت توقايەۆ باتىس پەن اقش-تىڭ ەتەگىنە جارماسىپ وتىر. سويتە تۇرا پۋتينمەن دە ات قۇيرىعىن ۇزىسكىسى جوق. تارازىعا تارتقاندا، باتىستىڭ سالماعى باسىپ تۇر. قازاق بيلىگى ەۋرووداقتىڭ ەسكەرتۋىن ەكى ەتپەي ورىنداۋدا. توقايەۆ رەسەيدىڭ قازاقستان ارقىلى سانكسيانى اينالىپ وتۋىنە ەندىگىدە جول بەرمەيدى. رەسەيدىڭ وداقتاستارىنا سانكسيا سالىنادى دەگەن سەزىك تۋعاندا-اق قازاق پرەزيدەنتى قام جاساۋعا كوشتى"، - دەيدى ساتانوۆسكيي.
ونىڭ پايىمداۋىنشا، توقايەۆتىڭ قاي تاراپتىڭ ىعىنا جىعىلارى الداعى بىر-ەكى جىلدا ايقىندالۋى ءتيىس. ءدال مۇنداي جاعدايدى بەلارۋس تە باستان وتكەرگەن. ىشكى ماسەلەنى تولىق شەشىپ، بيلىكتى باسىبايلى ءوز قولىنا العان لۋكاشەنكو كوپ ۇزاماي رەسەي جاققا وتكەن.
"توقايەۆ تا باتكانىڭ ىزىمەن ءجۇرۋى مۇمكىن. ورىنتاعىنا ءقاۋىپ تونگەن ورتا ازيا باسشىلارى ادەتتە رەسەيدەن پانا سۇرايدى، ءپۋتيننىڭ الدىنا جورعالاپ كەلەدى. سول ساتتەن باستاپ باتىس جاققا مويىن بۇرۋدى دوعارادى.
قازاقتار، اقىلىمدى تىڭداساڭدار ەۋروپاعا ەلەگىزىپ تۇراتىن ادەتتەن ارىلىڭدار، اقش سەندەرگە اياۋشىلىق تانىتپايدى. ەۋروپالىق سەناريي قازاقستانعا كىرىگە المايدى"، - دەپ ساندىراقتاعان ەكەن ساتانوۆسكيي.
ايتقانداي
نازاربايەۆ كلانى جانە "ەسكى قازاقستان" وكىلدەرى ءوزارا بايلانىس ءۇشىن Signal مەسسەندجەرىن ورناتا باستادى.
تولىعىراق: https://t.me/dalainside/1308
https://dalanews.kz/aimak/89234-aqtau-mangyndagy-zhanga-gaz-qubyry-turiz
