Sáýir aıynyń basynda el Prezıdenti Q.-J. Toqaevtyń bastamasymen «Taza Qazaqstan» baǵdarlamasyn qostanaılyqtar aýqymdy qoldaýdy jalǵastyrýda.
Qostanaı oblysynyń ár aýdanynda túrli is-sharalar ótti, oǵan myńdaǵan turǵyndar, sonyń ishinde jergilikti ákimshilikterdiń ókilderi, eriktiler men belsendiler qatysty. Tek ótken demalys kúnderi Qostanaı oblysynyń aýmaǵynda 10-nan astam túrli aksıalar, fleshmobtar men chellendjder ótti.
Aǵymdaǵy jyldyń 13 shildesinde Qostanaı qalasynda «Taza Qazaqstan» respýblıkalyq baǵdarlamasy aıasynda Trıatlon parki men qalalyq jaǵajaı aýmaǵynda jalpyqalalyq senbilik ótti. İs-sharaǵa qala turǵyndary, sondaı-aq memlekettik qyzmetshiler, sportshylar, etnomádenı birlestikterdiń ókilderi men eriktiler qatysty.
«Qoǵamdyq kelisim» KMM basshysy Natalá Sergeevna Ramazanova Qostanaı óńirindegi ekologıalyq jaǵdaıdy jaqsartý úshin osyndaı bastamalardyń mańyzdylyǵyn atap ótti: «aýmaqtardy abattandyrý bizge qalamyzdy taza ustaýǵa, sonymen qatar turǵyndarǵa tazalyqqa jáne qorshaǵan ortaǵa uqypty qaraýǵa degen súıispenshilikti oıatýǵa kómektesedi. Biz árqaısymyz óz qalamyz ben qorshaǵan ortaǵa qamqorlyq jasaýymyz kerek dep sanaımyn. Qoqys pen qaldyqtardyń tabıǵatymyzdy qalaı buzatynyn kórgende, men qalam taza bolýy úshin odan da kóp nárseni istegim keledi. Mundaı is-sharalar ekologıany jaqsartýǵa óz úlesin qosýǵa múmkindik beredi».
16 shildede turǵyndar arasynda jalpy ekologıalyq mádenıetti qalyptastyrý estafetasyn Rýdnyı qalasy men Qarabalyq aýdanynyń turǵyndary da qoldady. Tańerteńgi saǵat 8:00-den bastap Rýdnyı qalasynda «Taza Qazaqstan» respýblıkalyq ekologıalyq baǵdarlamasy aıasynda Alekseev arheologıalyq kesheniniń aýmaǵynda Rýdnyı tarıhı-ólketaný mýzeıiniń qyzmetkerleri jastardyń eńbek jasaqtarynyń qatysýymen Rýdnyı mádenıet eskertkishteriniń tarıhyn bilýge vıktorına ótkizdi.
«Mundaı jahandyq is-sharalar jastardyń damýyna oń áser etedi. Óz qalasyn kórkeıtýge degen umtylys qana emes, tabıǵatqa uqypty qaraý jáne basqalardyń eńbegin qurmetteý, sondaı – aq olardyń is-áreketteri úshin jaýapkershilik», - dedi Rýdnyı qalasynyń JRO dırektory A.Shohova.
Qarabalyq aýdanynyń turǵyndary standartty senbilikterdi ǵana emes, túrli shyǵarmashylyq is-sharalardy ótkizý arqyly «Taza Qazaqstan» jalpy respýblıkalyq baǵdarlamasyn qoldaıdy. Qarabalyq aýdany ákimdiginiń ishki saıasat bóliminiń «Jastar resýrstyq ortalyǵy» KMM» Qarabalyq eriktileri «bastamashyl tobymen» birlesip «Eko kún» ótkizdi. Úsh alań uıymdastyrylyp, tórt jasaqtyń balalary belsendi qatysty. Demalýshylar ózderiniń zıatkerlik qabiletterin kórsetip qana qoımaı, lager aýmaǵynda «eńbek desantyn» ótkizý arqyly tabıǵatqa qamqorlyq jasaı aldy.
«Taza Qazaqstan» baǵdarlamasy aıasynda Fedorov aýdanynda «EkoAýla: úzdik abattandyrý» baıqaýy uıymdastyryldy. Bıylǵy jyly qorshaǵan ortanyń tazalyǵy men densaýlyǵyn saqtaýǵa yqpal etetin jaıly jáne ekologıalyq taza aýla keńistigin qurýǵa basa nazar aýdaryldy. Baıqaýǵa aýdannyń 15 aýlasy qatysyp, jasyl abattandyrý boıynsha ınovasıalyq ıdeıalardy iske asyrdy. Qatysýshylar óz aýlalaryn ósimdiktermen jáne tabıǵı materıaldarmen bezendirip qana qoımaı, ekologıalyq jaýapkershiliktiń joǵary deńgeıin kórsete otyryp, qaıta óńdeý júıelerin engizdi.
«Beı-jaı qaramaıtyn azamattardyń ekologıalyq taza jáne qorshaǵan ortaǵa uqypty qaraý qundylyqtarymen bólisetinin kórý qýantady. Bul sátti tájirıbe aýdannyń basqa turǵyndary úshin shabyt bolady dep úmittenemin. Kelesi jyly bizde osyndaı aksıaǵa qatysýshylar kóp bolatynyna senemin», - dep bólisti aımaqtyq baıqaýdyń qazylar alqasynyń múshesi, Fedorov aýdanynyń Qoǵamdyq Keńesiniń múshesi Shashkova Zoıa Andreevna.
Jitiqara qalasynda «Taza Qazaqstan» respýblıkalyq ekologıalyq baǵdarlamasy aıasynda «Jeńis saıabaǵynda» jastar eńbek jasaqtarynyń, kolej stýdentteri men aýdan jastarynyń qatysýymen «Meniń EKO-izim» ekologıalyq kvest oıyny ótkizildi.
Dılda Haırat «Jitiqara aýdanynyń Jastar resýrstyq ortalyǵy» KMM basshysy: «bul is-sharany biz birinshi ret ótkizip otyrǵan joqpyz, ony dástúrli túrde jyl saıyn iske asyramyz. Bul bárimiz úshin qorshaǵan ortany qorǵaýǵa úles qosýdyń tamasha múmkindigi. Biz birge kóp nárseni jasaı alamyz: ormandarymyzdy, kólderimizdi jáne saıabaqtarymyzdy tazartý, bizdi jáne balalarymyzdy qýantatyn jańa aǵashtar otyrǵyzý. Barlyǵyn shette qalmaýǵa jáne osy mańyzdy iske qosylýǵa shaqyramyn».
Aǵymdaǵy jyly eldi mekenderdi kógaldandyrýǵa jáne abattandyrýǵa 11 mlrd teńgeden astam qarajat bólingenin atap ótken jón.
130 myńnan astam kóshet otyrǵyzý josparlanýda, onyń ishinde 52,8 myńnan astam kóshet otyrǵyzyldy. Barlyq júrgizilgen jumystardyń qorytyndysy boıynsha kóshe jaryǵymen qamtamasyz etý 90%-dy quraıdy, 108 aýylda jalpy uzyndyǵy 129 km qorshaýlar ornatylady.
Barlyǵy 372,2 myń adam qatysty, 354 tehnıka tartyldy, 323 gúlzar abattandyryldy, 175,1 myń tonna qoqys shyǵaryldy, 52,8 myńnan astam aǵash otyrǵyzyldy.
