Batys Qazaqstan obylsy ákimi Nariman Tóreǵaliev oblys boiynsha kommýnaldyq mekeme qyzmetkerlerine 58 arnaiy tehnikanyń kiltterin, – dep habarlaidy Dalanews.kz BQO ákiminiń baspasóz qyzmetine silteme jasap.
Atap aitqanda, kommýnaldyq qyzmet salasyna qajet tehnikalardyń túrleri- avtokran, kran-manipýliator, kóshpeli elektrotehnikalyq laboratoriia kóligi, avtogidrokótergish, avtobýs jáne taǵy basqalary bar.
Arnaiy tehnikanyń 20-sy oblys aýdandaryna jiberilse, qalǵandary «Batys Qazaqstan aimaqtyq elektr jelilik kompaniiasy» JShS-niń enshisinde qalmaq.
– Memleket Basshysynyń elektr jelilerin jańǵyrtý boiynsha alǵa qoiǵan mindetterin oryndaý aiasynda «Batys Qazaqstan aimaqtyq elektr jelilik kompaniiasy» úshin 58 birlik tehnika satyp alyndy.
Búginde kommýnaldyq qyzmet salasyn damytý úshin memleket kommýnaldyq sharýashylyqtar men kásiporyndardyń materialdyq-tehnikalyq bazasyn nyǵaitýǵa barynsha kóńil bólinip, tehnikalar shetin jańartylýda. Buǵan jergilikti biýdjetten 1,9 mlrd teńge qarjy bólingen.
Turǵyn úi-kommýnaldyq sharýashylyq qyzmeti – óńir turǵyndary úshin eń mańyzdy jáne qajetti salalardyń biri. Kúndelikti tutynyp jatqan elektr energiiasy, aýyz sý, káriz jelilerin paidalaný igilikter osy sala qyzmetkerleriniń arqasynda múmkin bolýda, – dedi óńir basshysy Nariman Tóreǵaliev.
Jalpy oblys boiynsha jyldan jylǵa meditsina, politsiia, kommýnaldyq mekemeler, taǵy da basqa salalarǵa berilgen arnaiy tehnikalardyń sany artyp keledi. Máselen, osydan birer apta buryn orman sharýashylyǵy 32 jańa traktormen tolyqsa, ótken jyly meditsina salasyna 81 avtokólik, tótenshe jaǵdai departamentine 46, politsiia departamentine 149 (biylǵy jyly 17 birlik) tehnika satyp alyndy.
