Tynyshtyqty buzǵany úshin aiyppul 18 460 teńge bolady. Bul týraly politseiler eske saldy, dep habarlaidy Dalanews.kz.
Ákimshilik quqyq buzýshylyq týraly kodekste túnde tynyshtyqty buzǵan adamdarǵa 2024 jyly 18 460 teńge - 5 AEK kóleminde aiyppul salynýy kerek delingen. Zańbuzýshylyq bir jyl ishinde qaitalansa, aiyppul somasy eki eselenedi.
"Ákimshilik zańnamaǵa sáikes, jumys kúnderi saǵat 22:00-den 9:00-ge deiin, demalys jáne mereke kúnderi saǵat 23:00-den 10:00-ge deiin azamattardyń tynyshtyǵyn buzýǵa bolmaidy, iaǵni adamdardyń, onyń ishinde kórshilerdiń qalypty demalýyna kedergi keltirmeý qajet. Sondai-aq, turǵyn úilerde jáne turǵyn úi qurylysy aýmaqtarynda ornalasqan oiyn-saýyq mekemeleriniń tynyshtyqty buzýy 20 AEK aiyppul túrindegi ákimshilik jazaǵa ákep soǵady.
Osyǵan bailanysty, odan keiingi moraldyq jáne materialdyq shyǵyndardyń aldyn alý úshin turǵyndardy ózara túsinistikke, basqalardyń, onyń ishinde kórshilerdiń tynyshtyǵyn qurmetteýge shaqyramyz", - dedi Aqtóbe oblysy Politsiia departamenti jergilikti politsiia qyzmeti basqarmasynyń aǵa inspektory Jandarbek Álibaev.
Jyl basynan beri Aqtóbe oblysynda 2800-den astam adam politsiiaǵa júgingen. Mundai zańbuzýshylyqtar ásirese jazda bolady.
