Qostanaı oblysynda Mıhaılov aýyldyq okrýginiń ákimi Marına Djafarova eki birdeı quqyqbuzýshylyq deregi boıynsha tergeý nysanasyna ilikti. Ol qyzmettik kólikti mas kúıinde júrgizip, memlekettik múlikti zańsyz paıdalanǵan, dep habarlaıdy Dalanews.kz.

Kosmetıkalyq kabınet ákimdikte ashylǵan

"Vremá" málimetinshe, etıka keńesiniń dereginshe, Djafarova eshqandaı konkýrs ótkizbeı jáne resmı qujat rásimdemeı, ákimdik ǵımaratynda kosmetıkalyq kabınet ashýǵa ruqsat bergen. Bul áreket turǵyndarmen «aýyzsha kelisim» negizinde júzege asqan.

Mas kúıinde kólik júrgizgen

Biraq kóp uzamaı sheneýnik ákimdikke tıesili avtokólikti mas kúıinde basqarǵany úshin ustalǵan.
Sot sheshimimen ol 15 táýlikke ákimshilik qamaýǵa alynyp, 7 jyl merzimge júrgizýshi kýáliginen aıyryldy.

Etıka keńesiniń uıǵarymy

Etıka keńesi Marına Djafarovanyń is-áreketin «bıliktiń abyroıyn túsiretin qylyq» dep atap, ony qyzmetinen bosatýdy usyndy.

Qazir bul usynys tıisti tártiptik keńeste qaralýda.