Jetisý oblysyna jumys sapary kezinde Sý resýrstary jáne irrigatsiia ministri Nurjan Nurjigitov óńirdiń sý sharýashylyǵy nysandarynyń jai-kúiimen jáne olardyń jumysymen, sondai-aq birqatar iri jobanyń iske asý barysymen tanysty, dep habarlaidy Dalanews.kz.
Kóksý aýdanynda vedomstvo basshysy Islam damý bankiniń qoldaýymen júzege asyrylyp jatqan irrigatsiialyq jáne drenajdyq júielerdi rekonstrýktsiialaý jobasyn tekserdi. Onyń birinshi kezeńinde jalpy uzyndyǵy 108,7 shaqyrym bolatyn 9 kanal jóndelip jatyr. Bul jumystar kelesi jyly aiaqtalady dep josparlanǵan. Jobanyń ekinshi kezeńinde taǵy 157,8 shaqyrym kanal rekonstrýktsiialanady. Barlyq jumys aiaqtalǵan soń Kóksý aýdanyndaǵy sýarmaly jer kólemi 13,6 myń gektarǵa ulǵaiady.
Aqsý aýdanynda kanaldardy betondaý jumystary jalǵasyp jatyr. Búginde jobanyń 75 paiyzy oryndalǵan. Tolyq aiaqtaý kelesi jylǵa josparlanǵan. Kanaldardy betondaý nátijesinde 11 myń gektar jerge turaqty sý jetkiziledi. Nurjan Nurjigitov jumystardy belgilengen merzimde aiaqtaýdy tapsyrdy.
«Jetisý oblysynda iske asyrylyp jatqan jobalar óńirdiń aýyl sharýashylyǵy áleýetin arttyrýǵa, iaǵni sýarmaly jerlerdiń kólemin kóbeitýge baǵyttalǵan. Barlyq jumys kestege sai júrip jatyr jáne ýaqytynda aiaqtalýy kerek. Bizdiń ministrlik aýqymdy jobalardy júzege asyrý úshin investitsiialar men granttyq qarajatty belsendi tartyp otyr. Endi osy bastamalardy sońyna deiin jetkizý qajet. Agrarlyq sektordy sapaly ári ýaqytyly sýmen qamtamasyz etý – bizdiń basty mindetterimizdiń biri»,– dedi Sý resýrstary jáne irrigatsiia ministri Nurjan Nurjigitov.Biyl qyrkúiek aiynda Aqsý aýdanynda kúrdeli rekonstrýktsiiadan keiin Qyzylaǵash sý qoimasy paidalanýǵa berildi. Buǵan deiin nysanda bóget pen magistraldyq kanal jóndelip, sý alý jáne sý jiberý júieleri jóndelip, avtomattandyrylǵan jáne eskertý júiesi ornatylǵan. Sońǵy úsh jylda Qyzylaǵash sý qoimasy synaq rejimde jumys istep, birtindep sý jinady.
