Batys Qazaqstan oblysynda aýdandyq aýrýhanalardyń biriniń dárigeri patsientterdiń jeke málimetterin áleýmettik jelige jariialap, meditsinalyq qupiiany buzǵan, dep habarlaidy Dalanews.kz.
@halyqstanBOT paraqshasyna Darinsk aýylynyń turǵyny joldaǵan beinejazbada jergilikti dáriger Tolǵanai Sátbaidyń rilstary kórsetilgen.
Turǵynnyń aitýynsha, dáriger naýqastardyń jeke deregin ashyq kórsetý arqyly dárigerlik ádepti saqtamaǵan.
Beinejazbalardyń birinde Tolǵanai Sátbai kompiýter ekranyndaǵy qujattardy kórsetedi. Onda naýqastardyń aty-jóni men diagnozy jazylǵan. Video sipattamasynda bul adamdar dárigerdiń qabyldaýynda bolǵan darinskilikter ekeni kórsetilgen.
Sonymen qatar turǵyn dárigerdiń taǵy bir rilsyna nazar aýdarǵan. "Dárigerler qalai bileidi?" dep atalatyn beinede narkolog-dáriger esirtkige táýeldi adamdardyń qiyn jaǵdaiy jaily aitylatyn jeńil mazmundaǵy án áýenine bilep tur.
Aýyl turǵynynyń pikirinshe, mundai video nashaqorlyqty nasihattaýǵa uqsaidy.
Oqiǵaǵa bailanysty oblystyq densaýlyq saqtaý basqarmasy túsinikteme berdi.
"Áleýmettik jelide jumys ornynda túsirilgen foto nemese videolardy, ásirese qujattar men naýqastardyń qatysýymen jariialaýǵa qatań tyiym salynady! Mundai áreketter meditsinalyq uiymdardyń bedeline keri áser etýi múmkin. Qazir bul jaǵdai boiynsha qyzmettik tekseris júrip jatyr, profilaktikalyq áńgimeler júrgizilýde. Másele bizdiń baqylaýymyzda", – dedi oblystyq densaýlyq saqtaý basqarmasy basshysynyń mindetin atqarýshy Almas Júnisbekov.
