Eldegi fýtbol salasyn damytý jáne biýdjet qarjysynyń tiimdi jumsalýyn qamtamasyz etý maqsatynda Úkimet birqatar naqty sharalardy qolǵa aldy. Bul týraly premer-ministr Oljas Bektenov májilis depýtaty Nartai Aralbaiulynyń depýtattyq saýalyna bergen jaýabynda aitty, dep habarlaidy Dalanews.kz.
Oljas Bektenovtyń málimetinshe, Memleket basshysynyń tapsyrmasyna sáikes, elimizdegi barlyq fýtbol klýbtaryn jekeshelendirý baǵytynda jumystar júrgizilip jatyr. Qazirgi tańda Týrizm jáne sport ministrligi Qazaqstan fýtbol federatsiiasymen jáne óńir ákimdikterimen birlesip, áleýetti investorlarmen kelissózder ótkizip keledi.
Investorlardyń qyzyǵýshylyǵy:
- «Ortalyq Aziia otyn-energetikalyq kompaniiasy» («Qyzyl-Jar» FK);
- Freedom Finance («Shahter» FK úshin stadion jáne fýtbol akademiiasyn salý jobasy);
- Kaspi Group («Jeńis» FK men Astanada infraqurylym salý jospary);
- TAU GROUP LTD («Qaisar» FK satyp alý nieti).
Sonymen qatar "Taraz", "Elimai" jáne "Ertis" klýbtaryna qyzyǵýshylyq tanytqan investorlarmen de kezdesýler ótken.
Biýdjet jáne tekserýler
2025 jyly fýtboldy damytýǵa 34,9 mlrd teńge bólingen. Onyń 31,8 mlrd teńgesi kásipqoi klýbtardy qoldaýǵa, al 3,1 mlrd teńgesi balalar men buqaralyq fýtbolǵa baǵyttalǵan.
Sońǵy jyldary sportqa bólingen qarjynyń tiimdi jumsalýyn baǵalaý maqsatynda 12-den astam tekserý júrgizilip, 100-den asa zańbuzýshylyq anyqtalǵan.
Máselen, Aqtóbe oblystyq prokýratýrasy "Aqtóbe" fýtbol klýbynda 250 mln teńgeden astam qarjynyń maqsatsyz jumsalǵanyn anyqtaǵan.
Jańa shekteýler men reformalar
2026 jyldan bastap sheteldik sportshylardy (legionerlerdi) memlekettik qarajat esebinen qarjylandyrýǵa tyiym salynady.
Sondai-aq ministrlik buiryǵymen fýtbol klýbtaryn jergilikti biýdjet esebinen qarjylandyrýǵa limit belgilendi – 500 AEK-ten aspaýy tiis.
Budan bólek, jattyqtyrýshylardyń eńbekaqysyn arttyrý úshin 2026 jyldan bastap qosymsha ústemaqylar tólenedi. Balalar men jasóspirimder sport mektepteriniń jattyqtyrýshylaryna 30% kóleminde ústeme aqy engizý úshin respýblikalyq biýdjetten 1,8 mlrd teńge qarastyrylǵan.
"Fýtboldy damytý máselesi Úkimettiń turaqty baqylaýynda", – dedi premer-ministr Oljas Bektenov.
